Özbekiston Respublikasi prezidenti Şavkat Mirziyoyev 4 mart kuni Toşkent şahridagi «Navröz» restoranida bölib ötgan tadbirda mamlakat xotin-qizlarini 8 mart bayrami bilan tabrikladi. Tabrik matni ÖzA tomonidan taqdim etilgan.

Assalomu alaykum, aziz opa-singillar! 

Muhtaram döstlar! 

Avvalo, siz, azizlar bilan yurtimizga bahor nafasi kirib kelayotgan yoruğ kunlarda, Xalqaro xotin-qizlar bayrami arafasida mana şu muhtaşam koşonada uçraşib turganimdan ğoyat xursandman. 

Şu qutluğ ayyom – 8 mart bayrami bilan sizlarni, sizlarning timsolingizda butun mamlakatimiz ayollarini, muhtarama onaxonlarimiz, qadrli opa-singillarimiz, gözal qizlarimizni çin qalbimdan muborakbod etib, barçangizga özimning çuqur hurmat-ehtiromim va ezgu tilaklarimni bildirişga ijozat bergaysiz. 

Barçamiz uçun aziz va mö'tabar bölgan ayol zoti haqida söz yuritar ekanmiz, avvalambor, bizni dunyoga keltirgan, oq sut berib voyaga yetkazgan Ona siymosi oldida boş egib ta'zim qilamiz. 

Yer yuzida muqaddas degan sözga eng munosib zot bu – avvalo, Onadir. Xalqimiz ona siymosini doimo uluğlab, ardoqlab yaşaydi. Yurtimizda onalarni şaraflab muhtaşam haykallar bunyod etilgani ham şundan dalolat beradi. 

Biz Ona timsolida Vatanimizni, uning gözal va betakror qiyofasini köramiz. “Ona Vatan” degan ibora bejiz aytilmagan, bunda çuqur ma'no bor. Insonni inson qiladigan mana şunday yuksak tuyğu va tuşunçalarni bolalarimiz qalbiga yoşligidan singdirsak, şoirlarimiz, rassomlarimiz, san'atkorlarimiz onalarni, ayollarni tarannum etadigan yangi-yangi asarlar yaratsalar, nur ustiga nur bölur edi. 

Ayolni e'zozlaş, ayolga ehtirom körsatiş xalqimizga xos olijanob qadriyat hisoblanadi. Biz, barçamiz qanday kasb, qanday lavozimda işlamaylik, qalbimiz, yuragimizdagi jamiki ezgu fazilatlar uçun siz, mehribon ayollardan umrbod qarzdormiz. 

Ayniqsa, siz, azizlarning soğlom zurriyod, barkamol avlodni tarbiyalab voyaga yetkazişdagi örningiz va xizmatingizni heç narsa bilan qiyoslab, baholab bölmaydi.