Google Play Store do‘konining besh yilligi munosabati bilan eng ommabop mobil ilova va o‘yinlar ro‘yxatini tuzib chiqdi. Bu haqda Mashable xabar bermoqda.
Birinchi ikki o‘rin kutilganidek Facebook va Facebook Messenger’ga nasib etdi, uchinchi pog‘onani esa Pandora Radio internet-radiosi egalladi. Ro‘yxatning to‘rtinchi va beshinchi o‘rinlaridan Instagram va Snapchat joy oldi.
Eng ommabop o‘yinlar ro‘yxati ham alohida tuzilgan – birinchi besh o‘rin Candy Crush Saga, Subway Surfers, Temple Run 2, Despicable Me va Clash of Clans’ga nasib etdi.
