Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
БМТ: Айни вақтда 1945 йилдан кейинги энг йирик гуманитар инқироз вужудга келди
08:19 / 11.03.2017
14885
Фото: AP

Жанубий Судан, Яман, Нигерия ва Сомалида юзага келган оғир вазият дунёда Иккинчи жаҳон урушидан кейин кузатилаётган энг йирик инсонпарварлик инқироз дея таърифланмоқда. Бу ҳақда БМТ Хавфсизлик кенгаши бош котибининг гуманитар масалалар бўйича ўринбосари Стивен О'Брайен маълум қилган. 

"Биз БМТ ташкил топгандан бери илк бора бундай ачинарли ҳолатнинг гувоҳи бўлмоқдамиз. Айни вақтда 4 та давлатда 20 миллиондан ортиқ инсонга мислсиз очарчилик ҳавф солмоқда. Жамоавий ва келишилган глобал саъйи-ҳаракатларсиз, бу одамлар очликдан ёки бунинг натижасида турли касалликларга учраб нобуд бўлишади", деб айтган жаноб О'Брайен. 

О'Брайен шу билан бирга, агар жаҳон ҳамжамияти ўз вақтида  тегишли чораларни кўрмаса, очликдан ўн миллионлаб одамлар қирилиб кетиши ҳамда гуманитар фожиа қочқинларнинг янги тўлқинини вужудга келтириши ва бунинг оқибатида дунёда барқарорсизликнинг янги кўплаб ўчоқлари пайдо бўлишига эътибор қаратган.


Улашинг
Top