Meksikadagi yashirin qabrda 240 jasad aniqlandi

Meksikaning Verakrus shtatidagi ommaviy qabrda 240 kishining suyaklari aniqlandi. Bu haqda Telesur nashri xabar bermoqda. 

Ta'kidlanishicha, gap 14 yoshdan 25 yoshgacha bo‘lgan yigit-qizlarning jasadlari haqida ketmoqda. Qazish ishlari hali yakunlanmagan va uning natijasiga ko‘ra yanada ko‘proq jasadlar aniqlanishi mumkin.

Tergovning fikricha, qurbonlar narkoguruhlar bilan bog‘liq bo‘lishi mumkin.