Amerikalik mashhur aktyor Tom Xenks o‘z muxlislari va ijtimoiy tarmoqdagi obunachilariga o‘zining yangi xaridi – Rossiyaning UAZ avtomobilini namoyish qildi.
Xenksning aytishicha, UAZ furgoni unga sayohatlar uchun kerak.
"Menda yangi yuk mashinasi bor! Men unda kempingga jo‘nayapman", deb yozgan aktyor Instagram’da.
Aktyorning rossiyalik obunachilari UAZ haqiqatan ham shunday safarlar uchun mos kelishini aytib, aktyorga yana bir juft shunday mashinadan xarid qilishni tavsiya qilishgan. Foydalanuvchilardan biri aktyorni mashinasida "qo‘ziqorin terishga borishga" taklif qilgan.
Biroq bunga ishonmaganlar ham topildi, ularning fikricha aktyor Rossiya mashinasini Budapesht ko‘chalaridan birida ko‘rib, shunchaki uning yonida suratga tushgan.
