Parvozlar xavfsizligini nazorat qilish davlat inspeksiyasi boshlig‘ining buyrug‘i bilan O‘zbekiston Respublikasi aviatsiya qoidalari “O‘zbekiston Respublikasi fuqaro aviatsiyasi bortkuzatuvchilarining ishlarini tashkil etish qoidalari”ga (O‘zR AQ-95) o‘zgartirishlar kiritildi. Bu haqda Norma.uz xabar bermoqda.
Eng avvalo, bortkuzatuvchilarni kasbiy tayyorlash elementlari malakasini oshirish va ushlab turish bilan to‘ldirildi.
Bortkuzatuvchilarni avariya holatlari bo‘yicha, xavfli yuklarni tashish qoidalariga va aviatsiya xavfsizligi bo‘yicha tayyorlash endilikda 1 yilda bir marta (ilgari – 2 yilda bir marta) Davavianazorati tomonidan tasdiqlangan dasturlar bo‘yicha Fuqaro aviatsiyasi o‘quv markazida o‘tkaziladi.
