Norvegiyada dunyoda birinchi kema o‘tuvchi tunnel quriladi (video)

Norvegiyada yaqin kelajakda yangi ko‘rkam maskan - dunyodagi birinchi kema o‘tuvchi tunnel qurilishi mumkin. Bu haqida New Atlas nashri xabar berdi. 

Stad yarim orolidan to‘g‘ridan-to‘g‘ri bunday trassani qurish g‘oyasi shimoliy mamlakatda 70-yillardayoq muhokama qilingan, 1985 yilda esa birinchi loyiha ishlab chiqilgan. 

Yangi yo‘l yuk va yo‘lovchi kemalarga Shimoliy va Norvegiya dengizlari o‘rtasidagi yo‘lni qisqartirish imkonini beradi. Shunda Norvegiya dengizidagi keskin kuchli shamollari va dovullari bilan mashhur Stadxavet hududini chetlab o‘tiladi. Bu yerda tez-tez bo‘ron turishi tufayli kemalar ikki soatdan bir necha kungacha kutishlariga to‘g‘ri keladi. 

Hisob-kitoblarga ko‘ra, yangi loyiha qurilishiga 2,3 milliard Norvegiya kronasi (272 million dollardan ziyod) talab qilinadi, shu bois u hali-hanuz qog‘ozda va miyada qolib ketgan. Endi esa Norvegiya parlamenti Stad Ship Tunnel loyihasini tasdiqladi. 1,7 kilometrli kema o‘tuvchi tunnelning balandligi - 45 metr, kengligi 36 metr bo‘ladi. Loyihaga ko‘ra, Stad Ship Tunnel 2029 yilda qurib bitkaziladi va u bir kecha-kunduzda 70-120 kemaning o‘tishini ta'minlaydi. Boz ustiga, loyiha Norvegiyaning Bergen va Olesunn shaharlari orasida joylashgan ushbu hududiga turizmni jalb qiladi.