2017 yilda aviaparvoz uchun eng arzon kun 6 iyun bo‘ladi. Bu haqda CheapAir.com sayti tadqiqotida aytiladi.
Servis bosh direktori Jyeff Klining so‘zlariga ko‘ra, iyun boshi butun yoz mavsumidagi parvozlarning eng arzon vaqtiga aylanadi.
Chiptalar yakshanba, 9 iyul kuni safarga chiqilsa, eng qimmat narxga sotib olinadi. Shu bilan birga, agarda iyulda samolyotga o‘tirish albatta talab etilsa, bu holatda 3,4 yoki 5 iyul sanalaridan birini tanlash kerak – bu kunlarda parvozlar ancha arzonroqqa tushadi. Avgustdagi eng arzon kuni 22, sentabrda esa o‘n ikkinchi bo‘ladi.
CheapAir.com’da ta'kidlanishicha, kuzgi mavsumning birinchi oyidayoq aviaparvozlar o‘rtacha qiymati yetti foizga tushadi.
Tadqiqotga ko‘ra, safarlar uchun eng qimmat oy – dekabr. May va noyabrda esa parvozga chiqish arzonroqqa tushadi.
Xabarlarga ko‘ra, Yevropa hamda Osiyoga bo‘lgan aviareyslarga chiptalarni samolyotga chiqishdan besh-yetti oy avval xarid qilish ancha foydali. Bunda parvoz narxi uning asl qiymatidan 76 foizga arzonroq bo‘ladi.
