Taniqli futbol mutaxassisi Azamat Abduraimov o‘zining Facebook ijtimoiy tarmog‘idagi sahifasida «Futbolni aldab bo‘lmaydi!» blogpostini joylagach, uning ostida taniqli jurnalistlar va sobiq futbolchilar bilan birgalikda munozara bo‘lib o‘tdi.
Tribuna.uz munozaralarning o‘quvchilar uchun eng qiziq joylaridan iqtibos keltirishga qaror qilgan.
Alisher Nikimbayev:
- Suriya qanday tayyorgarlik ko‘rdi, degan savol ham bor? Ularda hech qanday yig‘inlar ham, o‘rtoqlik uchrashuvlari ham o‘tkazilgani yo‘q, shekilli. Eron terma jamoasining yanvar oyidagi yig‘ini klublardan birining prozitsiyasi tufayli barbod bo‘lgandi. Garchi Qatar bilan bo‘lgan o‘yingacha Eron Iroq bilan o‘rtoqlik uchrashuvi o‘tkazib olishga muvaffaq bo‘ldi, lekin ikkinchi tarkib bilan. Ya'ni hammasini yig‘inlar va nazorat uchrashuvlariga olib kelib bog‘lash yaramaydi. Muammolarning butun bir kompleksini tilga olish kerak, lekin buning kimga qizig‘i bor?
Azamat Abduraimov:
- Albatta, fikrlaringga qo‘shilaman... Faqat yomon tashkillashtirilgan yig‘inlar va o‘yinlar tufayli yutqazmadik.
Ja'far Irismetov:
- Bizga o‘zgalar qanday tayyorgarlik ko‘rishining nima qizig‘i bor? Bizda Jchga chiqish vazifasi qo‘yilgan. Raqiblarni va o‘yinlar taqvimini allaqachon bilar edik. Biz boshqalar qanday tayyorgarlik ko‘rayotgani-yu, kimlar bilan o‘ynayotganiga qaramasligimiz kerak. Agar biz Jchga chiqishni istar ekanmiz, hammasini oldindan hisobga olib qo‘yishimiz kerak edi. Yig‘inlar, uchrashuvlar va h.k. Keyinchalik «anavi yerda o‘ynamagan edik, u yerda maydon yomon ekan, mana bu yerda falon o‘yinchini yig‘inga chaqira olmadik», degan bahonalarga o‘rin qoldirmaslik uchun. Azamat aka Terma jamoalar markazi bu masalalarni oliy darajada hal qilishi kerak edi, degan e'tirozi bilan haq gapni aytyapti.
Alisher Nikimbayev:
- Ja'far, tayyorgarlik ko‘ngildagidek bo‘lmagani borasida hech kim bahslashmayapti. Faqat sen mendan ham yaxshi bilasanki, tayyorgarlikdan boshqa masalalar ham bor. Masalan, tarkib tanlash, o‘yinga taktika belgilash va h.k. Bundan tashqari, yanada chuqurroq muammolar bor. Birgina yig‘inlar tashkil etib, ularni hal qilib bo‘lmaydi.
