Putin terakt variantini istisno etmadi

Rossiya prezidenti Vladimir Putin Sankt-Peterburg metrosida ro‘y bergan portlashlar oqibatida qurbon bo‘lganlarning yaqinlariga hamdardlik bildirdi.

U ushbu hodisa huquq tartibot organlari tomonidan sinchiklab o‘rganilishi va portlash sabablari aniqlanishini bildirgan. Prezident hodisaning ehtimoliy sabablaridan biri sifatida terakt varianti ham istisno etilmasligini ma'lum qilgan.

«Men maxsus xizmatlar rahbarlari bilan, FSB direktori bilan bu masalani muhokama qildim. Huquq tartibot organlari va maxsus xizmatlar ushbu hodisa sabablarini aniqlashadi. Portlash sabablari haqida gapirishga hali erta. Hammasini qidiruv-tergov ishlari ko‘rsatadi. Biz har doim voqeaning barcha sabalarini o‘rganamiz. Terrorizmdan tashqari maishiy va kriminal sabablar», - degan u Aleksandr Lukashenko bilan uchrashuvi vaqtida.

Peterburg metrosida ikkita portlash ro‘y berdi. «Texnologicheskiy institut» va «Sennaya ploshchad» bekatlarida ro‘y bergan portlashlar oqibatida 10 kishi halok bo‘lib, kamida 50 kishi jarohatlangani aytilmoqda.