Omadli chipta sohiblari. Chorak finalning teng kuchli juftligi haqida

Yevropa chempionlar ligasining 1/4 finalidan o‘rin olgan yana bir uchrashuv Dortmundda bo‘lib o‘tadi. Tribuna.Uz ilk marta ro‘baro‘ kelayotgan ikki jamoa o‘yiniga batafsil to‘xtalib o‘tadi.

Borussiya Dortmund - Monako (11 aprel, 23:45, Match! Futbol 1)

Nimchorak finaldagi shov-shuvli g‘alabadan keyin «Monako» bu bosqichda istalgan jamoani o‘zlari bilan hisoblashishga majbur qila olishi mumkinligini ko‘rsatdi. Chorak finalda «Borussiya»ning raqib bo‘lishi esa ikki jamoa uchun ham keyingi bosqichga chiqish imkoniyatlari tengligini ko‘rsatib turibdi.

O‘zaro o‘yinlar

Ikkala jamoa shu kungacha biror marta ham to‘qnash kelmagan, na yevrokuboklarda va na oddiy o‘rtoqlik uchrashuvlarida. Bu bahs jamoalarning o‘zaro o‘yin tarixidagi ilk to‘qnashuv bo‘ladi.

O‘yin oldidan
Borussiya D
Dortmundliklar o‘yindan oldin bundesliga doirasidagi Der Klassiker‘da maydonga tushib yirik hisobda imkoniyatni boy berib qo‘ydi. Jamoa chempiontda ikkinchi o‘rin uchun ham imkoniyatlarini pasaytirib yubordi. Endigi asosiy maqsad YeChLga to‘g‘ridan-to‘g‘ri yo‘llanma beruvchi 3-o‘rin va joriy mavsum YeChLda muvaffaqiyatli ishtirok etish bo‘lib 
qolmoqda.

Monako

Monegaskliklar chempionatda peshqadamlikni davom ettirishmoqda. «PSJ» izma-iz ta'qib qilib kelayotganiga qaramay, Jardim jamoasi YeChLda bo‘lgani kabi Fransiya chempionatida ham muvaffaqiyatli ishtirokiini davom ettirmoqda.

Faktlar
– «Monako» so‘nggi uch yilda ikkinchi marta YeChL chorak finaliga yo‘l olmoqda. Ikkalasida ham jamoa ingliz jamoasini yengib bu bosqichga yetib kelgan
– «Borussiya» Dortmund 2013/14 yilgi mavsumdan so‘ng ilk marta chorak finalga yo‘llanma olgan
– «Borussiya» chorak finalda o‘zining so‘nggi to‘rtta uchrashuvining barchasida faqat g‘alaba qozongan.

Yo‘qotishlar
«Borussiya» tarkibida Mario Gyottse, Andre Shyurrle va Erik Durmlar jarohati sabab uchrashuvda ishtirok eta olmaydi. Marko Roysning maydonga tushishi esa so‘rooq ostida qolmoqda.

«Monako» uchrashuvda himoyachi Jibril Sidibe (appenditsiv bo‘lgan) xizmatidan foydalan olmaydi. Shuningdek Boshilya va Karriloda ham jarohat bor. Bundan tashqari Temue Bakayoko ham diskvalifikatsiya tufayli bu uchrashuvni o‘tkazib yuboradi. Chap qanot himoyachisi Mendining ham maydonga tushishi so‘roq ostida qolmoqda.

Taxminiy tarkiblar

UYeFA rasmiy sayti uchrashuvda maydonga tushishi mumkin bo‘lgan taxminiy tarkiblarni e'lon qilgan. Unga ko‘ra, «Monako»da yo‘qotishlar o‘rnini Fabino va Joau Moutino orqali to‘ldirganini ko‘rishimiz mumkin. Shunda Fabino tayanch yarimhimoyasidan o‘ng qanot himoyasiga o‘tkazilgan.

Borussiya Dortmund: Byurki; Pishchek, Papastatopulos, Bartra, Shmeltser; Vaygl; Dembele, Kagava, Pulishich, Gerreyru; Obameyang.
Monako: Subashich; Ture, Glik, Jyemerson, Rajji; Silva, Fabino, Moutino, Lemar; Falkao, Mbappe.