Turkiya: Suriyaning Idlibida zarin kimyoviy moddasi qo‘llangani tasdiqlandi

Turkiya sog‘liqni saqlash vaziri Rajab Akdag‘ning aytishicha, Suriyaning Idlib viloyatida zaharlovchi zarin gazi qo‘llangani tasdiqlandi.

Akdag‘ning aytishicha, Idlibdagi kimyoviy hujum qurbonlaridan olingan peshob va qon tahlillarida zarin gazining metaboliti – metilfosfon kislota ftorangidridining izpropil efiri aniqlangan.

Suriya qo‘shinlari Xan Shayxun shahriga uyushtirgan deb kelinayotgan ushbu hujum oqibatida 100 dan ko‘proq odam halok bo‘lgan, 500 dan ortiq odam jarohat olgan.