«Tottenhem» o‘z rekordini yangiladi

«Tottenhem» futbol klubi APLning 28-turi doirasida mehmonda kechgan bahsda «Kristal Pelas»ni 1:0 hisobida mag‘lub etdi. Londonliklar ushbu g‘alaba tufayli 74 ochko jamg‘arishdi hamda turnir jadvalida yetakchilik qilayotgan «Chelsi»ga (78) yanada yaqinlashib olishdi.

Shu tariqa, «Tottenhem» APLda bir mavsum davomida qo‘lga kiritilgan ochkolar soni bo‘yicha o‘z rekordini yangiladi (1992/93 yilgi mavsumdan boshlab). Klubning avvalgi eng yaxshi natijasi 2012/13 yilgi mavsumda qayd etilgan bo‘lib, unda «Tottenhem» 72 ochko bilan beshinchi o‘rinni egallagandi. Shu bilan birga, Maurisio Pochettino jamoasida bu mavsumda yanada ko‘proq ochko jamg‘arish uchun beshta uchrashuv bor.