Le Pen yevro pul birligini Fransiya uchun ortiqcha yuk deb atadi

Fransiya prezidenti lavozimiga nomzod Marin Le Pen Yevropaning yagona pul birligi – yevro Fransiya uchun ortiqcha yuk ekanligini va aynan milliy valyuta mamlakat iqtisodiyotida bosh rol o‘ynashi kerakligini aytdi.

U "yevro o‘lik" bo‘lgani sababli milliy valyutadan foydalanish huquqiga erishmoqchi. "Men valyutamizni boshqarishni talab qilmoqchiman. Bu yevroni kundalik xaridlar bilan bog‘liq bo‘lmagan valyutaga aylantirishni, undan xalqaro savdo-sotiq bilan shug‘ullanuvchi katta kompaniyalargina foydalanishini anglatadi", deb aytmoqda Le Pen.

Le Pen prezident bo‘lsa, yevrodan voz kechish masalasi bo‘yicha umumxalq referendumini o‘tkazmoqchi, chunki uning ishonishicha, yevro turli davlatlardagi raqobatdagi farq sababli "yashovchanlikka" qodir emas.