OAV: AQSh Yaponiyada 5 ta razvedkachi samolyot joylashtirmoqda

AQSh harbiy-havo kuchlari AQShning Yaponiyada joylashgan Yokosuka shahridagi bazasiga Global Hawk razvedkachi samolyotlarini transportirovka qilishni boshlashdi. Bu haqda NHK yapon telekanali xabar bermoqda.  

Telekanal ma'lumotlariga ko‘ra, birinchi samolyot aviabazaga yetib kelgan. Yaqin orada bazaga yana 4 ta shunday samolyot yetkaziladi. 

Japan Times nashrining harbiy manbalarga iqtibos keltirgan holda xabar berishicha, ushbu dronlar Shimoliy Koreyani kuzatishda qo‘llanadi. 

Avvalroq OAV AQSh Yaponiyadagi Kadena aviabazasida atmosferani kuzatishga mo‘ljallangan WC-135 samolyotini joylashtirganini ma'lum qilgandi.