07:47 / 04.05.2017
11356

Rossiya Qirg‘izistonning 240 mln dollarlik qarzini kechib yubordi

Foto: easttime.ru

Rossiya bosh vaziri Dmitriy Medvedev Qirg‘izistonga kreditlar bo‘yicha moliyaviy talablarni tartibga solish bo‘yicha kelishuvni ma'qulladi.

Ma'lum qilinishicha, tegishli hujjat huquqiy axborot portalida joylashtirilgan.

Hujjatda "2017 yil 30 martiga ko‘ra, Qirg‘izistonning Rossiya oldidagi qarzi 240 mln dollarni tashkil qilishi" aytilgan.

Ta'kidlanishicha, bu summaning 100 foizi bir vaqtning o‘zida kechib yuborilishi kerak.  

Qarzning hisobdan chiqarilishi Rossiyaning Qirg‘iziston rivojlanishiga yordam ko‘rsatishi doirasida amalga oshirilmoqda.  

Top