YeÇL finali. Bizni qanday öyin kutmoqda?

2015 yili esa yarim finalda Alvaro Morata özining birinçi jamoasini jazoladi. «Men Madriddan bitta Çempionlar ligasi uçun qarzdorman», – demoqda endi Alvaro. Öşanda jamoalarning Turinda keçgan uçraşuvida mezbonlar 2:1 hisobida ğalaba qozongan, Madriddagi bahs 1:1 hisobida yakunlangan, ikki uçraşuvda ham Morata gol urgandi. «Yuventus» öşa mavsumda finalda «Barselona»ga 1:3 hisobida yutqazgandi.

Şuningdek, bu jamoalar 1996 yilgi mavsum çorak finalida töqnaşgan («Real» - «Yuventus» 1:0, «Yuventus» - «Real» 2:0). Turinliklar öşa mavsumda finalga qadar borişgan va finalda «Ayaks»ga qarşi öyinning asosiy vaqti 1:1 hisobida tugagan, penaltilar seriyasida turinliklar 4:2 hisobida ğolib bölib, çempionlikni nişonlagan.

2005 yili esa bu jamoalar nimçorak finalda uçraşgan va bu safar ham italyanlar ustun kelgan («Real» - «Yuventus» 1:0, «Yuventus» - «Real» 2:0). Çorak finalda «Yuventus» mavsumning bölğusi çempioni «Liverpul»ga töqnaş keladi va 1:2 hamda 0:0 hisoblaridan keyin turnirni tark etadi.

Kuzirlar

«Real»da – individual mahoratga ega futbolçilar töplangan va ular bir-biriga xalaqit berişmaydi. Kriştianu Ronaldu turnir pley-offida qatorlaştirib gol urmoqda, uning atrofida golli paslar yetkazib beruvçilar töplangan, – Marselo, u öz faoliyatidagi eng yaxşi mavsumni ötkazmoqda, Toni Kroos va Luka Modriç. Vertikal futbol natija keltirmoqda. Agar Madrid hujumçilari gol uravermasa Serxio Ramos yordamga kelişga tayyor.

«Yuventus» – jamoaviy futbol körsatmoqda. Massimiliano Allegri öz futbolçilarini taktik sxemalar böyiça öynaşga örgatdi va har bir futbolçi uçun vazifalar topşirdi. «Yuventus»ning yarim himoyasida asli markaziy hujumçi Mario Manjukiç barqaror öynamoqda, u qora iş qilişdan qoçmayapti va raqibning himoyaçilarini tinimsiz bosim ostida tutib turibdi. Allegri Pyaniçga yangi rol topib berdi, Xediraning ampluasi vazifalarini kengaytirdi, Kellini va Bonuççini juftlikda yanada samarali öynaşga örgatdi, endi Barzali yöqligida ham bu ikki himoyaçi markaziy himoyani yopa oladi, «Yuve»da Dani Alveş ikkinçi yoşligini boşladi. Jamoaviy futbol raqibning kuçli futbolçilariga qarşi.

Sobiqlar

«Yuventus»ning ikki futbolçisi avval Madridda öynagan, ular «keksa sinora» tarkibiga tekinga kelgan Dani Alveş kabi asosiy futbolçilar hisoblanişadi. Sami Xedira Karlo Ançelotti boşqaruvi davrida asosiy tarkibdan tuşib qolgaç, şartnomani uzaytirmadi va Italiyaga yöl oldi, u bu jamoada asosiy yarim himoyaçiga aylandi: agar Pyaniç va Markizio «redjista» (Italiyaça öyin uslubi, öyinni içkaridan boşlaşga qaratilgan) böyiça harakatlansa, Xedira maydonning u çekkasidan bu çekkasiga harakatlanib, köp iş bajaradi. Ikkinçisi, Gonsalo Higuain, u «Yuventus» «Napoli» orqali kelgan. Higuain turinliklar safida birinçi mavsumdayoq 32 gol urişga ulgurdi – u Madridda heç qaçon bunday samaradorlik körsatmagandi.

«Real» tarkibida bir sobiq byankoneroçi bor – Alvaro Morata. Taqdir hazilini qarangki, ikki yil muqaddam aynan Morata «Real» Çempionlar ligasi finaliga çiqişiga yöl qöymagandi, u öşanda «Yuventus» uçun Turinda ham, «Santyago Bernabeu»da ham gol urgandi. Morata bu yilgi finalni zaxira örindiğida boşlaşi haqiqatga yaqin, Madridda asosiy hujumçi Karim Benzema hisoblanadi. Muxlislar Zidanni Benzemaga işonç bildiraverişi uçun tanqid qilişadi, ammo Karim har bir öyinda közga körinmaydigan juda köp işlarni bajarib kelmoqda. «Visente Kalderon»dagi uçraşuvda esa u özining naqadar muhim örin tutişini oçiqçasiga namoyiş etdi.

An'analar

«Monako» bilan uy uçraşuvida byankonerlar darvozaboni Janluiji Buffonning quruq seriyasi barham topdi – Kilian Mbappe natijaga ta'sir körsatmaydigan golni urib, faxriy darvozabonning «quruq» öyinlarini töxtatdi, bu seriya 689 daqiqa davom etgandi. YeÇLda uzoq vaqt davomida gol ötkazmaslik böyiça rekord «Arsenal»ga tegişli. 2005-06 yilgi mavsumda londonliklar pley-off bosqiçida gol ötkazişmagan. Lekin finalda mağlub bölingan.

«Real» ötgan mavsum çempioni hisoblanadi. Çempionlar ligasida ketma-ket ikki bor ğolib çiqiş hozirça heç bir klubga nasib qilmagan. 2003/04 yilgi mavsum çempioni «Milan» 2004/05 yilgi mavsumda Istanbul finali «qurboni»ga aylandi. 1995 yilgi çempion «Ayaks» 1996 yilda «Yuventus»ga penaltilar seriyasida yutqazdi. «Çelsi»ning taqdirini Jon Terrining penalti nuqtasida toyib yiqilişi hal qildi. «Mançester Yunayted» 2007/08 yilgi finalda «Çelsi»ni yenggan, keyingi mavsum finalida «Barselona»ga yutqazgan. Lekin bu statistika «Yuventus»ni favoritga aylantirib qöymaydi ham.

Çempionlar ligasi yangi formatga ötgan 1992 yildan boşlab hisoblaganda «Real»da sovrinlar soni 5 ta: 1998, 2000, 2002, 2014 va 2016. Madridliklar yangi davrdagi finallarda heç mağlub bölmagan.

«Yuventus» bu davrda YeÇL finallarida eng köp yutqazgan jamoa hisoblanadi - 4 marta. Jamoa faqatgina 1996 yil boş mukofotni qölga kiritgan.

Yana bir an'ana – zamonaviy Çempionlar ligasi tarixida har yettinçi yilda italyanlar jamoasi ğolib çiqadi. 1996 yilda boş sovrin«Yuventus»ga nasib etgan, 7 yil ötib 2003 yilda – «Milan» ğolib çiqqan, 2010 yilda «Inter». Öşandan beri esa yana 7 yil ötdi.

Betaraflar kimga muxlislik qiladi

Jjanluiji Buffonni yoqtirmaydigan muxlis topilişi qiyin. Uning kolleksiyasida yetişmayotgan yagona sovrin Çempionlar kubogi bölib turibdi. 2003 yilgi YeÇL finalida penaltilar seriyasi ötkazilgan. Avvaliga Trezege Didani alday olmaydi, keyin Serjino Buffonni osonlik bilan aldaydi. Keyingi zarbalarda esa aksinça böladi, turinliklardan Takkinardi aniq harakat qiladi, milanliklarda Zeyedorf xato qiladi, uçinçi marta zarbalar berilganida esa ikki tomonda ham xato, Marselo Salayyeta hamda Kaxa Kaladzening zarbalarini Dida va Buffon qaytaradi. Törtinçi zarbani turinliklardan Paolo Montero aniq tepa olmaydi, milanliklar himoyaçisi Aleksandro Nesta Buffoni doğda qoldiradi, beşinçi zarbalarni esa Del Pero ham Şevçenko ham aniq bajaradi, milanlikar çempion. Öyindan keyin «Old Trafford» tribunasi oldida ötirgan Buffon alamdan yiğlardi: «Endi men yana qaçon bunday imkoniyatga ega bölaman?».

12 yil ötib u yana yiğlaydi – bu safar«Barselona» öyinning asosiy vaqtida masalani hal qiladi. Endi «Yuventus» uçinçi finalida Buffon uçun ğalaba qozonişi kerak.

Jiji – byankonerilar afsonasi, Madridda ham bir afsona bor, ammo u allaqaçon murabbiy. Zinedin Zidanning murabbiy sifatidagi faoliyati ham omadli çiqmoqda, u jamoaga kelganiga bir yarim yil bölib, ikkinçi marta YeÇL finaliga çiqdi. U Isko va Lukas Vaskes kabi yoşlarga imkon bermoqda.

Darvoqe, Zidan futbolçi sifatidagi oxirgi finalida, 2006 yilgi JÇ finalida Jiji Buffonga penaltidan gol urgan, ammo öyinning qöşimça bölimlari vaqtida Zizu qizil kartoçka olib maydonni tark etgan, öşanda Buffon raqibni ovuntirgandi.

3 iyun kuni kim kimni ovuntiradi, kutamiz...