Acibadem Bodrum bilan yangi sog‘lom hayotga qadam tashlang
Turkiya - tibbiy turizm yo‘nalishidagi yetakchi mamlakatlardan biridir. Egey dengizining ko‘rkam manzarali qirg‘og‘ida joylashgan Bodrum mamlakat tibbiy turizmining gavhari hisoblanadi. Bu yerda tabiat go‘zalligining o‘ziyoq inson dardiga malham bo‘ladi. Acibadem xalqaro tarmog‘ining mashhur klinkalaridan biri aynan shu maskanda joylashgan. Klinikaning yuqori malakali mutaxassislardan iborat jamoasi turli tibbiy yo‘nalishlar bo‘yicha jumladan: onkologiyadan tortib to EKU va estetikaga bog‘liq kasalliklarga tashxis qo‘yadi hamda ularni sifatli davolaydi. Yozgi mavsumda bu ajoyib imkoniyat - Bodrumda hordiq chiqarish davomida organizmni to‘liq sheck-up tekshiruvdan o‘tkazishni taklif qiladi.
Check-up o‘zi nima?
Check-up - organizmning ochiq belgilar namoyon bo‘lmagan holatlarida insonning salomatlik darajasini yoki kasallikni erta bosqichda aniqlashga, shuningdek kelgusida yuzaga kelishi mumkin bo‘lgan muayyan kasalliklarga moyilligini kuzatishga yo‘naltirilgan to‘liq tibbiy tekshiruv. Tashxisdan o‘tgandan keyin shifokorlar natijalarni tahlil qilishadi va o‘z xulosalarini bayon qilishadi. Shuningdek ular xushbichimlik uchun zarur bo‘lgan sog‘lom turmush tarziga rioya qilish, jismoniy mashg‘ulotlar, to‘g‘ri ovqatlanish borasida muhim tavsiyalar berishadi.
Sheck-up nima zarur?
Sog‘liqdan shikoyat yo‘q bo‘lsa, ehtimol, shifokorga borishga hojat yo‘q, deb o‘ylarsiz. Biroq shuni unutmangki, ko‘p kasalliklar belgilarsiz kechadi. Bundan tashqari, kasallikni rivojlantirishga olib kelishi mumkin bo‘lgan ko‘plab xavfli omillar mavjud: zararli odatlardan to genetik moyillikkacha (masalan: qandli diabet, kardiologik yoki onkologik kasalliklardan aziyat chekkan qarindoshlar bo‘lishi).
Shu munosabat bilan Jahon sog‘liqni saqlash tashkiloti (JSST) salomatlikni muhofaza qilish maqsadida yilda kamida bir marta diagnostik tahlildan o‘tishni tavsiya qiladi.
Shifokorlar 30 yoshdan oshgan ayollarga muntazam ravishda ginekolog ko‘rigidan o‘tish va ko‘krak saratoni skriningiga tushishni maslahat berishadi. 40 yoshda bu ro‘yxatga mammografiya qo‘shiladi, 50 yoshdan keyin yo‘g‘on ichak saratoni uchun kolonoskopiyadan tekshiruvidan o‘tib turish kerak bo‘ladi. 50 yoshdan oshgan erkaklarga, hatto shikoyat bo‘lmagan taqdirda ham, muntazam ravishda qon tahlili topshirish va prostata saratonidan himoyalanish uchun mutaxassis ko‘rigidan o‘tish tavsiya qilinadi. Ular ham kolonoskopiya tekshiruvidan o‘tishi maqsadga muvofiqdir.
