Rossiya prezidenti Vladimir Putin va Fransiyaning yangi saylangan prezidenti Emmanuel Makron telefon orqali muloqot qilishdi. Bu haqda Kreml saytida ma'lum qilingan.
«Tomonlar kelgusida Minsk kelishuvi asosida Ukraina inqirozini bartaraf etishga qaratilgan normand to‘rtligi formatidagi muzokaralarni davom ettirish ahamiyati haqida suhbatlashishdi», — deb ma'lum qilishdi Kremlda.
Qayd etilishicha, tomonlar o‘zaro uchrashuv o‘tkazish imkoniyatlarini muhokama qilishgan.
14 may kuni Makron rasman Fransiya prezidentligiga kirishgandi. U inauguratsiya marosimi vaqtida YeI bilan islohotlar bo‘yicha muzokara qilishini aytgandi.