Xitoyda super antiqa tomosha g‘ildiragi ochiladi

Xitoyning Shandun viloyatidagi Veyfan shahrida dunyodagi birinchi markaziy o‘qi bo‘lmagan tomosha g‘ildiragi ochiladi. Bu haqda Daily Mail nashri xabar bermoqda.

Ma'lum qilinishicha, tomosha g‘ildiragi 36 ta kabinadan iborat bo‘lib, ularning har birida 10 kishi joylashishi mumkin. Attraktsion markaziy o‘qi yo‘qligidan tashqari, Baylanxe daryosi ustidan o‘tuvchi ko‘prikda o‘rnatilgan. Har bir kabinka teleekran bilan jihozlangan. Bundan tashqari, tomosha g‘ildiragi simsiz internet bilan ta'minlanadi.

Ma'lum qilinishicha, balandligi 145 metrni tashkil qiluvchi attraksionning ochilishi iyun boshiga belgilangan. Tomosha g‘ildiragining bir marta aylanib chiqishi 28 daqiqani oladi.