Foto: arcenal.com
«Arsenal» klubi bosh murabbiy Arsen Venger bilan ikki yillik yangi shartnoma imzoladi. Bu haqda klub rasmiy sayti xabar tarqatdi.
Natijada Venger «Arsenal»da 2019 yilga qadar qoladigan bo‘ldi. Shunda uning klub bosh murabbiyi lavozimidagi faoliyati jami bo‘lib 23 yil davom etgan bo‘ladi.
Murabbiyga yozgi transferlarda tarkibni kuchaytirish uchun 100 million funt sterling miqdorida mablag‘ ajratiladi.
Eslatib o‘tamiz, «Arsenal» joriy mavsumda Angliya premer-ligasida 5-o‘rinni qo‘lga kiritdi va 20 yillik tarixida ilk marta Yevropa chempionlar ligasida ishtirok etmaydigan bo‘ldi.
