Rostov-Don porti Ukraina kemasini qabul qilmadi

Rossiyaning Rostov-Don shahri porti Ukrainaning «General Vatutin» sayohat kemasini kiritishni istamayapti. U Odessa portiga borish o‘rniga Rossiya tomonga suza boshlagan. Bu haqda port ekspluatatsiya xizmati rahbari Vitaliy Virobyan «Govorit Moskva» radiosiga ma'lum qildi. 

Uning so‘zlariga ko‘ra, Rostov portida faqat yuk kemalari qabul qilinadi va «General Vatutin»ning kelayotganini bilishmaydi. «Yo‘q, biz uni bu yerga kiritmaymiz», — deb ta'kidlagan Virobyan. 

Kemani ijaraga olgan «Chervona ruta» kompaniyasi prezidenti Yuriy Sokolovning xabar qilishicha, kema Rostov-Donga yangi egasi qaroriga ko‘ra yo‘l olgan. «Xo‘jayin o‘zgardi, hozirda kema Beliz bayrog‘i ostida suzmoqda. U Ukrainaga tegishli bo‘lib, Ukraina bayrog‘i ostida suzayotgan edi. Ammo, 2 hafta oldin, Ukraina kemalar reyestridan rasman olingan edi. Kemaning yangi egasi Beliz bayrog‘ini ko‘tardi, yangi hujjatlarni olib, ketdi», — degan tadbirkor. U kemaning yangi egasi kimligiga oydinlik kiritmagan. 

FXXdagi manbaning Nation News agentliigiga ma'lum qilishicha, «General Vatutin» Rossiya hududiy suvlariga kirmagan. MarineTraffic sayti ma'lumotlariga ko‘ra, maqola chiqayotgan vaqtda u Kerchen bo‘g‘oziga kirgan.