Yunusobod tumanida fohishaxona yopildi

2017 yilning 6 iyun kuni Yunusobod tumani hududida o‘tkazilgan tadbir davomida, muqaddam sudlangan Bahora Umarova (anketa ma'lumotlari o‘zgartirilgan) Yunusobod tumani hududida joylashgan xonadonda fohishaxona saqlab, 130.000 so‘m pul evaziga fuqarolar «Yo» va «A»larga jinsiy aloqa qilishlari uchun sharoit yaratib berganligi aniqlangan. Bu haqda Toshkent shahar Ichki ishlar bosh boshqarmasi xabar berdi.

Mazkur holat yuzasidan Yunusobod tumani IIB huzuridagi Tergov bo‘limi tomonidan O‘zbekiston Respublikasi JKning 131-moddasi 2-qismi (fohishaxona saqlash) alomatlari bilan jinoyat ish qo‘zg‘atilgan. 

Hozirda jinoyat ishi yuzasidan dastlabki tergov harakatlari olib borilmoqda.