Rossiya kunida mamlakatda korrupsiyaga qarshi o‘tkazilayotgan namoyishlar vaqtida, tadbirlarning asosiy tashkilotchisi, muxolifatchi Aleksey Navalniy Moskvadagi Tver ko‘chasidagi o‘z uyi oldida qo‘lga olindi. Bu haqda siyosatchining rafiqasi Yuliya tvitterida ma'lum qilgan.
«Alekseyni pod'yezd oldida qo‘lga olishdi. U shuni yetkazib qo‘yishni so‘radi, rejalar o‘zgarmaydi: Tverskaya», — deb yozgan Navalniyning rafiqasi.
Privet. Eto Yulya Navalnaya. Vsex s prazdnikom. Alekseya zaderjali v pod'yezde doma. On prosil peredat, chto plany ne menyayutsya: Tverskaya.
— Alexey Navalny (@navalny) June 12, 2017
Navalniyning tvitteriga joylangan suratda ko‘rish mumkinki, uni qo‘lga olish uchun kamida 8 nafar politsiyachi 2ta mashinada uy oldiga yetib kelgan.
S Dnyom Rossii! pic.twitter.com/CkfZXT6EKo
— Alexey Navalny (@navalny) June 12, 2017
Navalniy bir kun oldin o‘z saytida 12 iyun kuni, Rossiya kunida o‘z tarafdorlarini Tverskiy ko‘chasida tinch namoyish uchun to‘planishga chaqirgandi. Moskva hokimiyati Saxarova prospektida miting o‘tkazishga ruxsat bergandi, ammo siyosatchining so‘zlariga ko‘ra, u bu hududga sahna va ovozkuchaytirgichlar o‘rnatishga ulgurmagan. Shundan so‘ng namoyish joyi Tverskiy ko‘chasiga ko‘chirilgandi.
