O‘zbekiston va Qozog‘iston turizm sohasida hamkorlik qiladi

O‘zbekiston xususiy turistik tashkilotlari assotsiatsiyasi va “Otamakon” (Qozog‘iston) milliy tadbirkorlar palatasi turizm sohasidagi hamkorlik to‘g‘risida memorandum imzolashdi.

Hujjat “Otamakon” milliy tadbirkorlar palatasi boshqaruvi raisi Yuliya Yakupbayevaning O‘zbekiston xususiy turistik tashkilotlar assotsiatsiyasi raisi Nabijon Qosimov bilan uchrashuvi yakuni bo‘yicha imzolandi.

Tomonlar qo‘shma turto‘plamlar va ikki davlatning diqqatga sazovor joylarini ilgari surish imkoniyati, turizm sohasidagi o‘zaro manfaatli hamkorlik masalalari, transchegaraviy, tibbiy turizmni rivojlantirishni muhokama etishdi.