Sud Zaur Dadayevni siyosatchi Boris Nemtsovning o‘ldirilishi ishi bo‘yicha 20 yilga ozodlikdan mahrum etish haqida qaror chiqardi. Bu haqda RIA Novosti xabar bermoqda.
«Dadayevga qattiq rejimdagi koloniyada 20 yilga ozodlikdan mahrum etish jazosi va 100 ming rubl miqdorida jarima tayinlansin», - deya hukmni e'lon qilgan sudya.
Kecha prokuror Nemtsovning qotilini umrbod ozodlikdan mahrum etishni talab qilgandi.
Eslatib o‘tamiz, Boris Nemtsov 2015 yilning 28 fevral kuniga o‘tar kechasi Moskva shahri markazida o‘ldirildi. Zaur Dadayev, Anzor va Shodid Gubashevlar, Tamerlan Eskerxonov hamda Hamzat Baxoyev ushbu qotillik sabab hibsga olindi.
