10 yil oldin Boris Nemsov öldirilgandi. Bu jinoyat taşkilotçisi va buyurtmaçisi hamon topilmagan
|23:08 / 28.02.202516 85022 min
Iş figurantlari - qamalganlar va sudga çaqirilmaganlar bilan keyin nimalar böldi?
Anadolu / Getty ImagesAnadolu / Getty Images
2015 yil 27 fevral kuni keçqurun Kreml yaqinida, Katta Moskvoretskiy köprigida muxolifatçi siyosatçi Boris Nemsov otib ketiladi. Qotillik ijroçilari sifatida Şimoliy Kavkazdan bölgan beş kişi körsatilgan, ular 11 yildan 20 yilgaça qamoq jazosiga hukm qilingan. Tergovçilar taşkilotçi va buyurtmaçi rolini respublika rahbariyati bilan aloqasi bölgan çeçenistonlik kuçişlatarlardan birining haydovçisiga berişgan, ammo uni topa olişmagan. Kuçişlatar tizim xodimining özi va uning nufuzli qarindoşlari esa hatto söroq qilinmaydi. «Meduza» Nemsovni öldirganlikda ayblanib sudlanganlar va uning işida tilga olingan, ammo tergovga jalb etilmaganlar haqida hikoya qiladi. Quyida bu odamlarning keyingi taqdiri ham keltiriladi.
Sudlanganlar
Zaur Dadayev
Foto: Sergey Bobilev, Kommersant’
Ayblov versiyasiga köra, Boris Nemsovning öldirilişi quyidagiça amalga oşirilgan. 2015 yil 27 fevral kuni taxminan soat 23:30 da u dugonasi, ukrainalik model Anna Duritskaya bilan Katta Moskvoretskiy köprigidan ötayotganda orqasidan olti marta öq uzilgan. Nemsov voqea joyida halok böladi, Duritskaya jabrlanmaydi. Qotil yaqinlaşib kelayotgan ZAZ Chance avtomobiliga çiqib qoçib ketgan.
Jinoyatning bevosita ijroçisi — Zaur Dadayev. U Çeçenistonning «Sever» batalyoni komandirining örinbosari edi. U qölga olingani qotillikdan bir hafta ötib ma’lum böladi. Nemsovning öldirilişi böyiça tergov guruhi rahbari Igor Krasnov (hozirda u Rossiya boş prokurori) Dadayevni hibsga oliş böyiça sörovida uning xizmat joyini tilga olmaydi. Ammo u Dadayev jinoyatiga iqror bölib körsatma berganini aytadi.
Körsatmasida Dadayev Nemsovni Charlie Hebdo jurnaliga qilingan hujumdan keyin Muhammad rasululloh (s.a.v)ning karikaturalarini naşr etişga çaqirgani uçun öldirganini aytgan (aslida Nemsovda bunday qilmagan). Dadayevning sözlariga köra, siyosatçini kuzatişda unga uzoq qarindoşi Anzor Gubaşev va «Sever» batalyonidagi xizmatdoşi Beslan Şavanov yordam bergan, töpponçani esa Rusik ismli şaxsdan olgan. U göyoki Dadayev va uning şeriklariga beş million rubldan tölaşga va’da bergan. Köp ötmay, Dadayev bu körsatmalardan voz keçib, hibsga olinganidan keyin qiynoqqa solinganini aytadi.
Sudda u Nemsovning öldirilişiga aloqasi yöqligini ta’kidlaydi. Uning tanasidan yuvilgan moddalar (ularda öq mahsulotlarining mikrozarraçalari bölgan) va uning uyidan topilgan patronlar (ularning belgisi Katta Moskvoretskiy köprigidan topilgan gilzalarning belgisi bilan bir xil edi) siyosatçiga aynan u öq uzganining isboti sifatida xizmat qiladi. Dadayev 20 yilga qattiq tartibli koloniyaga hukm qilingan.
Mavzuga oid
Hukm 2017 yilda çiqarilgan, 2018 yilda esa uni Irkutskdagi sobiq kuçişlatarlar uçun koloniyada bölib ötgan ziyofat paytida suratga olişgan. Dadayev hozir qayerda ekani aniq ma’lum emas. 2024 yil yozida «Novaya gazeta Yevropa» uni Nemsovni öldirganlikda ayblanib, «Rossiya davlati nazorati ostidagi hudud»da (ya’ni Çeçenistonda emas) qolgan yagona mahkum deb atagandi.
Anzor va Şadid Gubaşevlar
Şadid Gubaşev (çapda) va Anzor Gubaşev (öngda) Moskva okrug harbiy sudida
Foto: Dmitriy Korotayev / «Kommersant’»
Ayblov tomoniga köra, Anzor Gubaşev Beslan Şavanov bilan birga Nemsov öldirilgan kuni uning iziga tuşgan va Zaur Dadayevni ZAZ Chance maşinasida jinoyat joyidan olib ketgan. BBC rus xizmati Anzor Gubaşevning jinoyatga aloqadorligi şubha tuğdirmasligini ta’kidlaydi: u Nemsovni kuzatiş uçun «jangovar trubka»lardan (qotillik iştirokçilari kuzatuv vaqtida foydalangan mobil telefonlar. Tergov Anzor Gubaşev bir safar adaşib uşbu telefonlardan biriga öz sim-kartasini qöyganini isbotlab bergan) biridan foydalangan; uni GUMdagi kuzatuv kameralari orqali tanib oliş mumkin, u yerda siyosatçi ölimidan oldin keçki ovqat qilgan; uning biologik izlari Dadayev Nemsov öldirilgan joyni tark etgan ZAZ Chance maşinasida topilgan.
Anzorning ukasi Şadid Gubaşev, ayblov versiyasiga köra, Nemsovni kuzatişda yordam bergan, jinoiy guruh a’zolarini olib yurgan, biroq qotillik joyida köriniş bermagan. Hibsga olinganidan bir oy ötgaç, Şadid akasi Dadayev va Şavanovga qarşi guvohlik berib, ular unga Nemsovni öldirganini tan olganini aytdi va uni «»amerikalik ablah va maxluq» deb atadi. Keyinçalik bu sözlarini qaytib oldi. Anzor Gubaşev va Zaur Dadayev öz iqrorlik körsatmalarida Şadidni şerik sifatida körsatmagan (keyinçalik ikkalasi ham bu iqrorligidan voz keçgan).
Yakunda Anzor Gubaşev 19 yilga, Şadid Gubaşev esa 16 yilga ozodlikdan mahrum etildi. «Novaya gazeta Yevropa» ma’lumotlariga köra, 2024 yil avgust holatiga köra, aka-ukalar Çeçenistonning Çernokozovo koloniyasida «rasman» qamoq jazosini ötayotgan bölgan, ötgan yil boşida Anna Politkovskayaning öldirilişida iştirok etganlardan biri Jabroil Mahmudov muddatidan oldin ozod qilingan.
Beslan Şavanov
Zaur Dadayevning «Sever» batalyonidagi xizmatdoşi, u Anzor Gubaşev bilan birga qotillik sodir bölgan kuni Nemsovni kuzatgan. Öz körsatmalarini bir neça marta özgartirgan Anzor Gubaşev avvaliga Şavanovni şerik deb atagan va Nemsov öldirilgan töpponçani u taşlab yuborganini aytdi (qotillik quroli topilmaydi), keyin Şavanov bilan tanişligini rad etadi, keyinçalik esa Nemsovni Dadayev emas, u otganini aytadi.
Şavanov unga e’tiroz bildira olmasdi. U 2015 yil mart oyi boşida Grozniyda qölga olişga uriniş çoğida halok bölgan — rasmiy versiyaga köra, granata portlagan. Uni qölga olişda «Sever» batalyoni iştirok etgan bölişi mumkin. Ölimi tufayli Şavanovga qarşi jinoiy iş yopilgan.
Temirlan Eskerxanov
Temirlan Eskerxanov Moskva okrug harbiy sudida
Foto: Gleb ŞÇelkunov / «Kommersant’»
Eskerxanov 2013 yilgaça Çeçeniston IIVning Şelkovskiy rayoni böyiça bölimida xizmat qilgan, u yerda jinoiy guruhning boşqa taxminiy a’zolari ham işlagan. Qotillikdan oldingi kunlarda u muntazam ravişda ular bilan qönğiroqlaşgan va ular bilan birga yurgan. Xususan, «Sever» batalyoni komandiri örinbosari, işning asosiy figurantlaridan biri Ruslan Geremeyev bilan ham.
Sudda Eskerxanov «fariştaning köz yoşidek pok» ekanini aytadi. Ayblovga köra esa, u Nemsovning qotillariga yordam bergani ta’kidlanadi: ular uçun siyosatçi haqida ma’lumot izlab topgan va ularni olib yurgan. U 14 yilga ozodlikdan mahrum etildi.
2024 yilda «Novaya gazeta Yevropa» Eskerxanov afv etilgani va Ukrainaga uruşga ketgani haqida xabar berdi. Şu bilan birga, u şturmçi otryadga emas, balki Şelkovskiy rayoni IIBdagi sobiq boşliği, Ruslan Geremeyevning amakisi Vaxa Geremeyevning yoniga qöşildi va Rossiya tomonidan bosib olingan Mariupolda «qulay va xavfsiz şaroitlar»da xizmat qilmoqda.
Hamzat Baxayev
Hamzat Baxayev
U Nemsovning öldirilişi böyiça işda eng kam muddat — 11 yil qamoq jazosi olgan figurant. Ayblov tomoni uning rolini taxminan Eskerxanovning roli bilan bir xil tasvirlagan: u internetda Nemsov haqida ma’lumot töplagan, şeriklarini olib borgan, ularning ketişiga yordam bergan. Baxayevga qarşi dalillar uning telefoni billingi orqali şakllangan: masalan, uning telefonini 2015 yil 1 mart kuni Zaur Dadayev bir neça soat oldin uçib ketgan aeroport hududida aniqlaşgan.
Şu bilan birga, Nemsovni öldirişda iştirok etganlarning kvartiralari va maşinalarida Baxayevning izlari yöq edi, uning yönalişlari siyosatçining yönalişlari bilan kesişmagan, boşqa mahkumlardan esa faqat Şadid Gubaşev (u qöşnisi bölgan) bilan qönğiroqlaşgan. Dadayev uçib ketgan kuni telefoni aeroportga yaqin hududda bölganini Baxayev oddiy qilib tuşuntirgan: u taksiçi bölib işlagan va mijozni şu nuqtadan olib ötgan.
Hatto Nemsov oilasining advokatlari ham ayblov Baxayevning aybini isbotlovçi yetarli dalillarni taqdim etmaganini aytişgan. U aka-uka Gubaşevlar bilan Moskva oblastida bir uyni ijaraga olgani uçungina bu işga aralaşib qolgan tasodifiy odamdek taassurot qoldirardi, deb yozadi «Meduza». Hukmdan söng Baxayev Kirov oblastidagi koloniyaga jönatilgan. Hozir qayerdaligini aniqlab bölmadi.
Haligaça topilmaganlar
Ruslan Muxudinov
Zaur Dadayev hibsga olinganidan keyin qandaydir Rusik (yoki Ruslik) degan şaxs unga, Anzor Gubaşev va Beslan Şavanovga Nemsovni öldiriş uçun beş million rubl va’da qilganini aytdi — va u göyoki siyosatçini otib öldirgan töpponçani bergan. Sudlanuvçilarning kvartirasini tozalaş bilan şuğullangan guvoh Zarina Isoyevaning tergovga aytişiça, çeçenlar Ruslan Muxudinovni Rusik deb ataşgan.
U «Sever» batalyoni jangçisi bölib, batalyon komandiri örinbosari Ruslan Geremeyevni olib yurgan — Isoyevaning sözlariga köra, uni kompaniyada Ruslan deb ataşgan va u «boşliq» bölgan. Tergov aynan Muxudinov «boşqa noma’lum şaxslar» bilan birgalikda ijroçilarga Nemsovni öldiriş uçun 15 million rubl taklif qilganini, şuningdek, ularga uy, maşina va töpponça taqdim etganini e’lon qildi. Ya’ni uni jinoyatning taşkilotçisi va buyurtmaçisi deb atadi.
Muxudinovga Nemsovni öldiriş nima uçun kerak bölgani (payğambar karikaturalari haqidagi motiv çetga surib qöyildi, çunki Nemsovni kuzatiş Charlie Hebdo tahririyatiga hujumdan ança oldin boşlangan), bunday buyurtma uçun pulni qayerdan olgani va nima uçun uni hozirgaça topa olişmayotgani tuşunarsiz bölib qolmoqda. 2015 yilda Muxudinov goh BAAdaligi, goh Çeçenistondaligi yoki umuman vafot etgani haqida miş-mişlar tarqalgandi. Şu bilan birga, «Mediazona» va Scanner Project uning 2020 yilda olingan suratini topgan. U ijtimoiy tarmoqlardagi Geremeyev familiyali akkauntlarda e’lon qilingan.
Ruslan Geremeyev
Ramzan Qodirov va Ruslan Geremeyev (Foto: adelimkhanov_95)
Nemsov öldirilişi bilanoq uning nomi tilga olingan edi. Dastlabki söroqlarda Eskerxanov uni Dadayev bilan aynan Ruslan Geremeyev taniştirganini aytgandi. Eskerxanovning sözlariga köra, u bilan dallol (ehtimol, Muxudinov) boğlangan bölib, u orqali Dadayevga Nemsovni öldiriş buyurtma qilingan. Tergov Geremeyevni topib, söroq qilişga topşiriq beradi — lekin faqat guvoh sifatida, çunki bu vaqtga kelib Eskerxanov öz körsatmalaridan voz keçgan edi.
Ruslan Geremeyev Ramzan Qodirovning bir vaqtning özida bir neça yaqin safdoşlariga qarindoş. Uning amakisi senator Sulaymon Geremeyev. Yana bir amakisi Vaxa Geremeyev, ilgari Şelkovskiy IIB boşliği (u yerda Eskerxanov işlagan), hozirda Çeçeniston rahbarining maslahatçisi. Amakivaççasi — Davlat dumasi deputati Adam Delimxanov. Geremeyevning özi Adamning ukasi Alibek Delimxanov qömondonlik qilgan «Sever» batalyoni komandirining örinbosari bölib xizmat qilgan.
Tergovçilar Ruslan Geremeyevni söroq qilişmadi. Aytişlariça, u Delimxanovlarning ota qişloği — Jalqada yaşirinib yurgan, keyin esa otboqar qiyofasida Çeçenistondan jönab ketgan. Şuningdek, TQ rahbari Aleksandr Bastrikin unga sirtdan ayblov e’lon qilişdan ikki marta boş tortgani xabar qilingan; Ruslan Geremeyevga qidiruv e’lon qilinmagan. Garçi Nemsovlar oilasining advokati Vadim Proxorov jinoyatning haqiqiy taşkilotçisi aynan u deb hisoblagan bölsa-da.
Ukraina bilan uruş boşlangunga qadar u haqda heç qanday xabar yöq edi. 2022 yilda Ruslan Geremeyev (amakilari Vaxa Geremeyev va Adam Delimxanov kabi)ning daragi Mariupoldan çiqdi, u şaharni egallaşda iştirok etgan va yaralangan. Ramzan Qodirov uni köriş uçun hospitalga bordi, uni «qadrdon inim», «eng yaxşi jangçi» deb atadi. 2023 yilda Ruslan Geremeyev Qodirovning 17 yoşli öğli nazoratidagi yangi çeçen batalyoniga qömondon böldi.
Artur Geremeyev
Geremeyevlar oilasining yana bir vakili, Ruslan Geremeyevning jiyani. Moskvaning Veyernaya köçasidagi Zaur Dadayev, Ruslan Geremeyev, şuningdek, Nemsov qotilligining boşqa tasdiqlangan va taxmin qilingan iştirokçilari yaşagan ikkita kvartiradan biri — Veyernaya, 46-uydagi kvartira uning nomiga rasmiylaştirilgan. Artur Geremeyev 2014 yil dekabr oyida Zaur Dadayev bilan birga Moskvaga uçib kelgan va 2015 yil 28 fevralda, Nemsov öldirilganidan bir kun ötib uçib ketgan.
Nemsovning öldirilişi böyiça tergov guruhi rahbari 2015 yil oktyabr oyida Ruslan Muxudinov, şuningdek, Ruslan va Artur Geremeyevlarni topişga körsatma bergan. Birinçisiga ayblov qöyiş, qolgan ikkisini — guvoh sifatida söroq qiliş rejalaştirilgandi. Tergovçilar Çeçenistonning Şelkovskiy rayonidagi Starogladkovskiy stanitsasiga kelgan (Geremeyevlar va Muxudinov şu yerda röyxatdan ötgandi), ammo ularni topa olmagan: Muxudinovlar oilasi köçib ketgan, Geremeyevlarnikida esa eşikni heç kim oçmagan.
Şundan söng Ruslan kabi Artur Geremeyev haqida ham uzoq vaqt heç qanday xabar berilmadi. Ammo yaqinda «Agenstvo» u 2023 yilda Ukrainaning bosib olingan hududlariga borganidan xabar topdi. Katta ehtimol bilan, Artur Geremeyev ham qarindoşlari kabi uruşda qatnaşgan.
Izlab ham körilmaganlar
Jabrail Eldarov
Jabrail ismi jinoyat işi materiallarida uçraydi. Uning ismi guvoh Zarina Isoyeva tomonidan aytilgan, u Nemsovning ehtimoliy qotillari yaşagan Veyernaya köçasi, 3-uy va Veyernaya köçasi, 46-uylardagi xonadonlarni tozalaş bilan şuğullangan. U Jabrailning familiyasidan xabardor emasdi. Natijada bu odam iş materiallarida faqat nomi bilan qoladi, uning Nemsovni öldirişdagi roli tuşunarsiz edi. Siyosatçining oilasi advokati Vadim Proxorov Jabrail FSBda işlaşini taxmin qilgan.
Jabrailning familiyasi 2024 yil yozida «Proyekt» tomonidan keltiriladi. Jurnalistlar bu odamning raqami boşqa abonentlarda Jabrail Eldarov deb saqlanganini aniqladi. Nemsovni kuzatiş davrida va qotillikdan keyingi dastlabki kunlarda Eldarov jinoyatning qolgan iştirokçilariga 754 marta qönğiroq qilgan. Eldarovning qarindoşi «Proyekt»ga ular bilan tanişligi, ammo qotillikka aloqasi yöqligini aytgan.
«Proyekt», şuningdek, Eldarovning Qodirovlar uruği bilan aloqalari borligi va Rudik Iskujinning qiziga uylanganini yozgan. 1980-yillarda Iskujin Putin bilan KGB institutida öqigan, hozir esa Boşqirdistondan saylangan senator hisoblanadi.
Aslanbek Xatayev
2017 yilda «Meduza» uşbu şaxsni Zaur Dadayev bilan birga körişgani, biroq qotillikda uning roli aniq emasligi haqida yozgandi. Keyinroq «Mediazona» va Scanner Project Xatayevning Şelkovskiy rayoni IIB xodimi bölgani haqida xabar berdi — u bu yerda PPX inspektori sifatida röyxatga olingan, ammo aslida Çeçenistonning yuqori martabali şaxslarini qöriqlagan. Telefon kitobçalarida Xatayev Aslanbek Delimhanov va «Aslambek va Adam» sifatida yozilgan. «Proyekt» u Adam Delimxanovning qöriqçisi bölganini yozgan.
Nemsovning öldirilişidan bir neça kun oldin va undan keyin Xatayev Delimxanov va senator Sulaymon Geremeyevning yordamçilariga qönğiroq qilgan, şuningdek, ularning özlari bilan suhbatlaşgan. Bundan taşqari, u qotillikning ertasi kuni Ruslan Geremeyev bilan uçraşgan va guruh a’zolarini evakuatsiya qilişda iştirok etgan. Çeçenistonga qaytib kelganidan söng, Xatayev Delimxanov tuğilgan qişloq Jalkaga köçib ötadi. Tergovçilar uni şaxsan söroq qilmaydi va faqat çeçen hamkasblariga savollar yuboradi.
Xalid Utsimiyev
Nemsov öldirilgan vaqtda u ham Şelkovskiy rayoni IIB xodimi va Xatayevning rasmiy boşliği bölgan. Utsimiyev siyosatçi öldirilgan kuni Moskvaga uçib kelgan, Veyernaya köças, 46-uyda turgan va Eskerxanov, Ruslan Geremeyev va Zaur Dadayev bilan doimiy aloqada bölgan. Ular ilgari ham qönğiroqlaşgan: 2014 yil oktyabr oyidan beri Utsimiyev Nemsovni kuzatiş va öldiriş guruhi a’zolari bilan 300 ga yaqin marta telefon orqali suhbatlaşgan.
Xatayev kabi Utsimiyevni ham Moskvada söroq qilişning iloji bölmaydi, ularni Çeçenistondagi tergovçilar söroq qilişadi. Utsimiyevning ta’kidlaşiça, u figurantlar bilan döstlari va hamkasblari sifatida muloqot qilgan. Unga heç qanday ayb qöyilmaydi. Hozir unga nima bölgani noma’lum.
Ali Aliyev
Xatayevga yaqin odam, qotillikdan oldingi va keyingi kunlarda u va Ruslan Geremeyev bilan köp marta qönğiroqlaşgan. Qotillikdan bir kun oldin ular «Ukraina» mehmonxonasida uçraşişgan. Uçraşuvdagi törtinçi şaxs xonanda va tadbirkor Aleksandr Dmiterko bölgan. «Mediazona» bilan suhbatda Aliyev faqat Xatayevni bilişini aytdi, garçi mehmonxonadagi kuzatuv kameralari ular uçraşuvdan tört kişi bölib çiqqanini qayd etgan bölsa-da.
Aliyev va Dmiterkoning «Mediazona»ga ma’lum qilişiça, ular tergovçilar bilan muloqot qilgan, biroq bu haqda jinoyat işi materiallarida ma’lumot yöq. Hozir ularga nima bölgani noma’lum.
Magomed Edilsultanov
Bu odam 2004 yilda Forbes’ning rus tahririyati asosçisi Pol Xlebnikovning öldirilişidan keyin bir neça yil davomida qidiruvda bölgan. Tergov uni jinoyatni uyuştirişda vositaçilardan biri deb hisobladi, deb yozgan «Proyekt». 2010 yilda Edilsultanovning özi tergov organlariga kelib, körsatma bergan, şundan söng unga qöyilgan ayblovlar olib taşlangan.
2014 yil oktyabridan 2015 yil 1 martigaça Edilsultanov Nemsovga suiqasd iştirokçilariga 391 marta qönğiroq qilgan — bu «Proyekt» körgan jinoiy iş materiallaridagi billinglardan ma’lum. Şu bilan birga, iş materiallarida Edilsultanovning ismi tilga olinmagan.
Edilsultanov Qodirov bilan aloqador: uning akasi Çeçeniston rahbarining Ivanovo oblastidagi vakili bölib işlagan, jiyani esa Qodirovning öğliga murabbiylik qilgan. «Agenstvo»aniqlaşiça, Edilsultanov kamida 2023 yil avgust oyida soğ-salomat bölgan: u öşanda Turkiyaga uçgandi.
Abdul Elmurzayev
Bu odam haqida köp narsa ma’lum emas. Jinoyat işi materiallaridan olingan telefon billinglariga köra, Elmurzayev 2014 yil dekabr oyining ikkinçi yarmida Nemsovni kuzatgan va beşta olti raqami bilan tugaydigan «jangovar trubka»lardan biridan foydalangan. Keyinçalik xuddi şu raqamdan Zaur Dadayev ham foydalangan. Iş materiallarida Elmurzayev söroq qilingani yoki qilinmagani haqida ma’lumot yöq.
«Agenstvo» Abdul Elmurzayev IIV qidiruv bazasida paydo bölganini aniqlagan. Uni qaçon va nima sababdan qidira boşlaşgani noma’lum.
Şamxan Tazabayev
Çeçeniston IIVning sobiq xodimi. Nemsov öldirilganidan bir yarim soat ötgaç, kuzatuv kamerasi uni Artur Geremeyev, Ruslan Muxudinov va Zaur Dadayev bilan birga Veyernaya köçasi, 46-uyda qayd etgan. Bir soatdan söng ular xonadonni tark etişadi. Sud jarayonida Nemsovlar oilasining advokatlari Tazabayevni söroq qilişni söraşgan. Aftidan, tergov uni topa olmadi.
Suleyman Geremeyev va Adam Delimxanov
Amakivaççalar va Çeçenistonning Rossiya parlamentidagi vakillari: Davlat Dumasida Delimxanov, Federatsiya Kengaşida Geremeyev. Ikkalasi ham Ramzan Qodirovning yaqin safdoşlari bölib, jurnalistlarning fikriça, uning manfaatlari yölida reyderlik va siyosiy qotilliklar bilan şuğullanişi mumkin. Ikkalasi ham Çeçeniston rahbariga qarindoş bölib, kiçik qarindoşlarini Qodirovning öğillariga turmuşga berişgan.
Nemsov işining köplab figurantlari Sulaymon Geremeyev va Adam Delimxanov bilan u yoki bu tarzda boğliq. Ulardan ikki nafari — Aslanbek Xatayev va Ruslan Geremeyev siyosatçi öldirilgan kunning ertasiga ularga qönğiroq qilgan. Şuningdek, ularning yordamçilari bilan ham qönğiroqlaşgan. Şunga qaramay, Nemsov işi böyiça tergov Sulaymon Geremeyev va Adam Delimxanovni söroq qilişdan boş tortadi. Sudda ham ular köriniş berişmaydi — u yerga faqat Adamning tuğişgan ukasi, «Sever» batalyonining sobiq komandiri Alibek Delimxonov keladi. U ham aksar savollarga javob bermaydi.
Hozirda Sulaymon Geremeyev Federatsiya Kengaşida işlaşda davom etmoqda, yanvar oyida Qodirov uni tuğilgan kuni bilan tabriklagan edi. Sönggi paytlardagi eng şov-şuvli yangiliklar uning özi bilan emas, jiyani bilan boğliq bölib, uning maşinasidan yettita töpponça va törtta avtomat topilgan.
Çeçeniston rahbarining eng yaqin yordamçisi Adam Delimxanov yangiliklarda köproq köriniş bermoqda. Rossiyaning Ukrainaga bosqini boşlanganidan söng, u ham Geremeyevlar singari Mariupolni egallaşda iştirok etgan. Miş-mişlarga köra, u yaralangan, general-mayor unvonini olgan, şuningdek, Rossiya, Çeçeniston va özini özi e’lon qilgan LXR Qahramoni bölgan.
