Qatar qirollik oilasining dunyodagi eng yirik banklardan biri bilan aloqasi tekshiriladi

Yevropa markaziy banki Qatar qirollik oilasi va Xitoyning HNA holdingining Deutsche Bank kapitalidagi ishtirokini tekshiruvdan o‘tkazadi, deb xabar bermoqda Reuters manbalarga asosan.

Ko‘rsatilgan aksiyadorlarning har biri bank kapitalining 10 foizdan kamrog‘iga ega.

«YeMB bu aksiyalar kimga tegishli ekanini o‘rganib chiqish yoki surishtiruvdan o‘tkazish niyatida», - deya ta'kidlab o‘tdi agentlik manbasi.

Biroq agentlikning qo‘shimcha qilishicha, bunday tekshiruvning sabablari noma'lumligicha qolmoqda. Germaniya moliya vazirligi vaziyatga izoh bermadi. 

Reuters’ning ta'kidlashicha, odatda bunday tekshiruv sarmoyador moliyaviy jihatdan barqaror ekani, sarmoya mablag‘lari manbasini aniqlash, sarmoyador jinoiy ishga aloqasi bor yoki yo‘qligi hamda u terrorizmni moliyalashtirish yoki pul yuvishga aloqador ekanini aniqlash maqsadida o‘tkaziladi.