«Barselona» hujumchisi Neymar klubdan ketmoqchi emas va yangi mavsumga tayyorgarlik ko‘rmoqda. U «PSJ»ga o‘tayotgani haqidagi xabarlarni inkor etdi.
«O‘tgan mavsum «Barselona»dagi eng yaxshi mavsumim bo‘ldi. Men bu yerda baxtiyorman, bu menga yanada yaxshiroq o‘ynashimga yordam bermoqda. Men o‘zimning yaxshi sifatlarimni namoyish etmoqdaman. Ha, biz o‘zimiz istagan barcha sovrinlarni yuta olmadik. Lekin men bu yerda hammasi qoniqtirmoqda. Men ayni vaqtda yangi mavsumni sabrsizlik bilan kutmoqdaman, bu mavsumda yanada ajoyib lahzalar bo‘lishiga umid qilaman», - deya Neymarning so‘zlarini keltirgan Mundo Deportivo.
O‘tgan kunlar davomida Neymar «PSJ»ga o‘tishi, parijliklar jamoasi uning transferi uchun 222 million yevro to‘lashga tayyorligi haqida xabarlar tarqalgandi.
Keyinroq kataloniyaliklar klubi sport direktori Robert Fernandes ushbu futbolchini sotib olishga hech bir klub qodir emasligi, uning qolishi 200 foizga aniq ekanini aytib o‘tgandi.
Futbolchining klub bilan amaldagi shartnomasi muddati 2021 yilga qadar tuzilgan.
