O‘zbekistonning Doing business reytingidagi o‘rnini yaxshilash uchun komissiya tuziladi

O‘zbekiston hukumati mamlakatning Jahon bankining har yilgi "Biznes yuritish" (Doing business) hisobotidagi reytingini yaxshilash bo‘yicha choralar ko‘rishni rejalashtirmoqda.  

Vazirlar Mahkamasining tegishli qaror loyihasi muhokama uchun chop etildi. 

Hujjatga ko‘ra, hukumat O‘zbekistonning ushbu reytingdagi o‘rnini yanada oshirish uchun ishlarni koordinatsiyalovchi idoralararo komissiya tashkil etmoqchi.

Komissiya davlat idoralarining biznes yuritish uchun sharoitlarni yaxshilash choralarini tatbiq qilish va ishbilarmonlik muhitini yaxshilash bo‘yicha tadbirlarni tahlil qilish bilan bog‘liq savollardagi hamkorligini ta'minlaydi. 

Komissiya biznes uchun sharoitlarni yaxshilash bo‘yicha vazifalarini bajarmayotgan davlat organlari rahbarlarini javobgarlikka tortish choralarini qabul qilish bo‘yicha takliflar kiritadi.

Hujjatda ta'kidlanishicha, rejalashtirilgan tadbirlarning amalga oshirilishi O‘zbekistonning ushbu reytingdagi pozitsiyasini har yili 10 pog‘onaga yaxshilashga imkon beradi. Taxmin qilinishicha, O‘zbekiston 2021 yilga kelib reytingda 2016 yildagi 87-o‘rindan 40-o‘ringa ko‘tariladi.