Venger «MYu» Chempionlar ligasida qatnashayotganidan norozi

«Arsenal» jamoasi bosh murabbiyi Arsen Venger Yevropa Ligasi g‘olibiga Chempionlar ligasida ishtirok etish uchun yo‘llanma berilishiga qarshi chiqdi.

«Men hamisha Yevropa Ligasi g‘olibiga Chempionlar ligasida to‘g‘ridan-to‘g‘ri ishtirok etish uchun yo‘llanma berilishiga qarshi bo‘lganman. Chunki, «Manchester Yunayted»ni hisobga olmaganda hamisha bu turnirda Chempionlar ligasida guruhdan chiqa olmagan jamoa g‘olib bo‘lgan.

Chempionlar Ligasiga Yevropa Ligasi orqali yo‘l olish fikrida bo‘lmaslik kerak. Men bunday yo‘l tutish ichki chempionatga ta'sir ko‘rsatadi deb hisoblayman: agar aprelda jamoada APLda kuchli to‘rtlikka kirishdan ko‘ra, Yevropa Ligasi orqali yo‘l olish imkoni ko‘proq bo‘lsa, bu jamoa ichki chempionatga ikkinchi darajali turnirdek qarashi mumkin. Men o‘yinlarga hamisha optimal tarkibni tushiraman. Futbolchilarimga faqat Yevropa Ligasi o‘yinlarida dam berishim mumkin», — deya Vengerning so‘zlarini keltirgan London Evening Standard.

Londonliklar o‘tgan mavsumda Angliya chempionatida 5-o‘rinni egalladi va Yevropa Ligasida o‘ynaydigan bo‘ldi. «MYu» mavsumni 6-o‘rinda yakunladi, ammo Yevropa Ligasi g‘olibi sifatida YeChLga yo‘llanma oldi.