AQShda amaldorlarga iqlim o‘zgarishini iqlim o‘zgarishi deb atash taqiqlandi

AQShning qishloq xo‘jaligi vazirligi amaldorlariga ish hujjatlari va rasmiy yozishmalarda “iqlim o‘zgarishi” iborasini qo‘llash taqiqlandi. Bu haqda The Guardian vazirlik va tabiiy resurslarni asrash xizmati o‘rtasidagi elektron yozishmaga asosan xabar bermoqda.

Shu tariqa, “iqlim o‘zgarishi”ning o‘rniga “ekstremal ob-havo sharoiti” deb, “iqlim o‘zgarishiga moslashish”ning o‘rniga “ekstremal ob-havo sharoitlariga chidamlilik”ni, “bug‘ gazlarini chiqarib tashlashni kamaytirish” o‘rniga esa – “tuproqning tabiiy qismini ko‘paytirish” deb yozish kerak ekan.

Yozishmada vazirlikning ko‘plab xodimlari talablardan tashvishda ekanliklari va ularga so‘zlar hamda iboralarning aniq ro‘yxatini yuborishni so‘rashgan. Ba'zilar esa bunday holatdan norozilik ham bildirgan.

Eslatib o‘tamiz, 1 iyun kuni Tramp AQSh iqlim bo‘yicha Parij kelishuvidan chiqishi haqida ma'lum qildi. U kelishuvning moliyaviy va iqtisodiy talablarini qoralab chiqdi. Biroq, Trampning qo‘shimcha qilishicha, Qo‘shma Shtatlar Parij kelishuviga qayta kirish bo‘yicha muzokaralarni boshlashi mumkin. Buning uchun AQShga qulay bo‘lgan shartlar talab etiladi.