Ukrainaning mudofaa xarajatlari 6,2 mlrd dollargacha yetadi

Ukrainaning 2018 yilgi davlat byudjyeti loyihasida mamlakatning xavfsizligi va mudofaasiga 163 mlrd griven (6,269 mlrd dollar) ajratish ko‘zda tutilgan bo‘lib, bu o‘tgan yilga nisbatan 20 mlrd griven yoki 12 foizga ko‘proqdir. Bu haqda Ukraina prezidenti Pyotr Poroshenko matbuot xizmati ma'lum qildi. 

“Prezidentning ta'kidlashicha, milliy xavfsizlik strategiyasida mudofaa va xavfsizlik sektorini yalpi ichki mahsulotning kamida 5 foizi miqdorida moliyalashtirish ko‘zda tutilgan. Ukraina vazirlar mahkamasining takliflariga ko‘ra, 2018 yilda milliy xavfsizlik va mudofaa ehtiyojlariga 163 mlrd griven yo‘naltirish rejalashtirilmoqda”, deb ma'lum qilingan xabarda.

2017 yilgi Ukraina davlat byudjyetida mudofaa va xavfsizlik sektorini moliyalashtirishga 136 mlrd griven yoki YaIMning 5 foizi ko‘zda tutilgan.