Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Ақл бовар қилмас видео: Falcon 9 ракетасининг муваффақиятсиз қўнишлари бир видеога жамланди
09:37 / 15.09.2017
14565

SpaceX компанияси Falcon 9 ракета-ташувчиси қуйи поғонасининг муваффақиятсиз қўнишлари акс этган видеожамланмани намойиш қилди. Бу ҳақда “Оммабоп механика” нашри ёзмоқда.

“Вазиятнинг мураккаблиги шундаки, илк кўп маротабалик орбитал синфдаги Falcon 9 ракетаси ниҳоят бешикаст қўна олди. Falcon бизни ҳалигача яхши кўришини англаб, охир-оқибат йўриқномани ўқиб чиққан кўринади (бу ерда ракета қўндириладиган “Of Course I Still Love You” (Албатта, мен сизни ҳали ҳам яхши кўраман) ва уни тортиб кетувчи "Just Read the Instructions" (Шунчаки йўриқномани ўқи) баржаси номига ҳазил қилинган)”, деб видеога изоҳ берган компания раҳбари Илон Маск. 

Видеода Falcon 9’нинг 2013 йилда қўндирилиши вақтида портлашидан тортиб 2016 йил июнида қўниш вақтида ёнилғи етмагани сабабли муваффақиятсизликка учрагани видеолари намойиш қилинган.

Ролик Falcon 9’нинг 2015 йил декабрда ерга ва 2016 йил апрелда “Of Course I Still Love You” денгиз платформасига илк муваффақиятли қўнишлари тасвирлари билан якунланган.


Улашинг
Top