Xat mualliflarining fikricha, buni sunʼiy intellekt mazkur himoya vositalarini chetlab oʻta oladigan darajada qudratli boʻlguniga qadar amalga oshirish zarur. Maktubni imzolaganlar orasida Capital One, MasterCard, Visa, Oracle va IBM ham bor.
Xat mualliflari yaqin oylarda sunʼiy intellekt yordamidagi kiberhujumlar yanada koʻpayishi va murakkablashishini taʼkidlamoqda. Ularning fikricha, hozirda koʻrilayotgan xavfsizlik choralari yetarli boʻlmaydi.
«Kiberxavfsizlikni yaxshilash uchun vaqtimiz cheklangan», - deb qayd etdi ular. Xususan, maktub mualliflari xavfsizlik tizimlarini SI texnologiyalari yordamida takomillashtirishga chaqirmoqda. Ularning fikricha, hukumatlar kiberxavfsizlikni kuchaytirish chora-tadbirlarini muvofiqlashtirishi, ushbu sohaga koʻproq sarmoya kiritishi va oʻta muhim korxonalarga bunday hujumlardan himoyalanish uchun SI tizimlaridan foydalanish imkoniyatini taqdim etishi lozim.
Soʻnggi paytlarda sinov paytida SI agentlarining nazoratdan chiqib, boshqa kompaniyalarga buzib kirish holatlari koʻpaydi. Xabarlarga koʻra, OpenAI neyron tarmogʻi Modal va Hugging Face platformalarini buzib kirgan. Anthropic kompaniyasining Claude modeli esa uchta kompaniyaning maʼlumotlariga noqonuniy kirishga muvaffaq boʻlgan.
