Boliviya prezidenti Trampni ikki yuzlamachilikda aybladi

AQSh prezidenti Donald Trampning BMTdagi bayonoti ikkilik standartlariga misol hisoblanadi, deb fikr bildirdi Boliviya prezidenti Evo Morales.

"Tramp o‘zini butun dunyo egasidek his qilmoqda, suverenitet haqida gapira turib, bazalarini va harbiy aralashuvni suqishtirmoqda. Ikkilik standartlari", deb yozgan Morales tvitterda.

"Meni Tramp kabi multimillioner sotsializmga xuruj qilayotgani ajablantirmayapti. Bizning kurash hamisha mafkuraviy va dasturiy bo‘ladi. Tramp bir tomondan Venesuela bilan muloqot qilishga chaqirib, boshqa tomondan aralashuv qurolini tayyorlayotgani achinarli holatdir. Davlat to‘ntaruviga erisha olmaysiz", deb yozgan Morales Venesuelani nazarda tutib.

Tramp BMT Bosh assambleyasi minbaridan so‘zlagan nutqida agar Venesuela o‘z siyosiy yo‘nalishini o‘zgartirmasa, AQSh bu mamlakatning keyingi harakatlariga tayyor ekanligini aytgan. U, shuningdek, Shimoliy Koreya AQShga tahdid qilsa, uni butkul yo‘q qilish bilan tahdid qilgan.