Anqara Eronga nisbatan joriy etilayotgan sanksiyalarga qarshi chiqadi, degan Turkiya tashqi ishlar vaziri Mavlut Chavusho‘g‘li seshanba kuni. Bu haqda RIA Novosti yozmoqda.
«Biz Eronni u nohaq bo‘lganda tanqid qilamiz va qachonki haq bo‘lsa, uni qo‘llab-quvvatlaymiz. Sanktsiyalar siyosati — bu to‘g‘ri ish emas. Qaysidir mamlakatlarga yoqmagani uchun, uni jazolash uchun Eronni burchakka qamash — falokatli xato. Eron biz uchun dushmanmi? Aslo!», — degan Chavusho‘g‘li Anadolu agentligiga bergan intervyusida.
Eron va xalqaro vositachilar «oltiligi» 2015 yilning 14 iyulida Eron atomi bilan bog‘liq ko‘p yillik muammoni tartibga solish bo‘yicha tarixiy bitimga kelishishgan edi. O‘shanda umumqamrovli qo‘shma harakatlar rejasi qabul qilingan va uning bajarilishi BMT XK, AQSh va Yevropa ittifoqi tomonidan Eronga nisbatan ilgari joriy etilgan iqtisodiy va moliyaviy sanksiyalar yechilishini taqozo etardi. Reja 2016 yilning 16 yanvaridan kuchga kirgan edi.
AQSh prezidenti Donald Tramp ilgari bir necha bor ushbu kelishuvdan chiqishini ta'kidlab o‘tgan, qolgan barcha qatnashuvchilar bitim shartlariga rioya qilishlarini bildirishgan.
