Maduro: Tramp meni butun dunyoga mashhur qildi

Venesuela prezidenti Nikolas Maduro uning nomini ko‘p marta tilga oladigan o‘zining amerikalik hamkasbi Donald Trampga kinoyali tarzda minnatdorlik bildirdi. U bu haqda Rossiya, Belarus va Turkiyaga safaridan qaytgandan keyin davlat televideniyesi efirida aytdi.

"Tramp meni butun dunyoga mashhur qildi. Imperiya rahbari mening nomimni tilga olmagan biror kun yo‘qligi sharafdir, bu men nimanidir to‘g‘ri qilayotganimni anglatadi", deb aytdi Maduro davlat televideniyesi efirida. 

Maduroning aytishicha, Trampning tanqidi "uni dunyoga mashhur odamga aylantirdi".

"U har gal meni eslaganda, men ularga yanada ko‘proq yoqa boshlayman", deb qo‘shimcha qilgan Maduro.
 
Maduro "Tramp o‘z zimmasiga Venesuela muxolifati rahbari vakolatini olgan" deb kesatib ham qo‘ygan.