Turkiyalik shifokorlar Termizda jarrohlik amaliyotini o‘tkazishdi

Turkiyaning 18 nafar malakali shifokori va soxa mutaxassislari Termiz shahridagi "Surxondaryo viloyati bolalar ko‘p tarmoqli tibbiyot markazi"ga kelib, og‘iz va labida tug‘ma nuqsoni bor bolalarni davolash maqsadida, 140ta jarrohlik amaliyoti o‘tkazishdi.

Bu haqda Surxondaryo viloyati hokimi Erkinjon Turdimov Facebook-sahifasida xabar bermoqda.

Shuningdek, turk shifokorlari ishtirokida 494ta ambulatoriya tibbiy ko‘riklari ham tashkil etildi.

Mazkur tadbir Turkiya hamkorlik va muvofiqlashtirish agentligi (TIKA) ko‘magida amalga oshirildi.

Avvalroq, Turkiya hamkorlik va muvofiqlashtirish agentligi (TIKA) tomonidan O‘zbekistonga Mercedes-Benz rusumidagi 10ta mobil klinika taqdim etilgandi.