Yaponiyada "tenkafubu" navidagi ikkita xurmo bugun 540 ming iyena (taxminan 4,8 ming dollar)ga sotildi, deb xabar bermoqda RIA Novosti Butunyapon qishloq xo‘jaligi assotsiatsiyalari federatsiyasining Gifu prefekturasi bo‘linmasi savdolar bo‘limi vakili Ito Yosiyukiga asosan.
"Bu joriy yildagi eng birinchi savdolar. Narxga ham shu ta'sir ko‘rsatgan bo‘lishi mumkin. Biroq, eng asosiy sababi shundaki – bu navdagi xurmo juda noodatiy shirin ta'mga ega. Agarda oddiy xurmoda shakar miqdori Briks shkalasi bo‘yicha 15-16 darajani tashkil etsa, bu nufuzli navda u 18dan ortiqqa teng. Bugun Matsuzakaya do‘konida sotilgan ikkita xurmoda esa, u 25 darajadan ham ko‘p. Shuningdek, ularni iste'mol qilish yoqimli – ular ancha qattiq va qisirlaydi, xuddi yapon noklari kabi", - dedi u.
"Tenkafubu" navini yaratishga 11 yil sarflangan, hamda u faqatgina o‘tgan yili savdolarga chiqarildi. O‘shanda maksimal narx taxminan uch ming dollar edi. Bitta xurmoning og‘irligi esa 300 grammni tashkil etadi.
