Yangi yerlarni o‘zlashtirish va sug‘orish qiymati indeksatsiya qilindi

Davergeodezkadastr, Iqtisodiyot vazirligi va Moliya vazirligining «Yangi yerlarni sug‘orish va o‘zlashtirish qiymati, lalmi shudgor va sug‘orilmaydigan ko‘p yillik daraxtzorlar olib qo‘yilganda qishloq xo‘jaligi ishlab chiqarishi nobudgarchiliklarining ushbu qiymatini inobatga olib hisoblangan miqdori hamda pichanzorlar va yaylovlar holatini tubdan yaxshilash qiymatini indeksatsiya qilish haqida»gi qo‘shma qarori tasdiqlandi (2017 yil 1 noyabr). Bu haqda Norma.uz xabar bermoqda.

Davlat statistika qo‘mitasining qiymatidan yuqori ko‘rsatilgan qurilish materiallari narxlari to‘g‘risidagi ma'lumotlari asosida o‘tgan yilga nisbatan 1,246 baravar indeksatsiya qilindi.

Shu tariqa, olib qo‘yilayotgan lalmi shudgor va sug‘orilmaydigan ko‘p yillik daraxtzorlar o‘rniga tabiiy joylardagi joylashuviga bog‘liq ravishda sug‘orish va teng qiymatli yangi yerlarni o‘zlashtirish qiymati 1 ga uchun quyidagini tashkil etadi:

Ma'lumot uchun: bazaviy miqdorlar Yer uchastkalari egalari, foydalanuvchilari, ijarachilari va mulkdorlarining ko‘rgan zararlarini, shuningdek qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash tartibi to‘g‘risidagi nizomning 32-bandida ko‘rsatilgan. Indeksatsiya har yili 31 dekabrgacha amalga oshiriladi.

Quyidagilarning qiymati xuddi shunday qiymatga indeksatsiya qilindi:

•  mamlakatimiz hududlari kesimida 1 gektar bir xil yerlarni sug‘orish va o‘zlashtirishning bir bonitet balli uchun qiymati;
•  «Cho‘l», «Adir» va «Tog‘» zonalarida joylashgan pichanzorlar va yaylovlar holatini tubdan yaxshilash qiymati.

Hujjat 2.11.2017 yildan kuchga kirdi.