Braziliyada bir vaqtning o‘zida 34 turmada isyonlar ko‘tarildi

Oxirgi ikki kun ichida Braziliyaning 7 ta viloyatida joylashgan 34 ta turmada mahbuslar isyon ko‘tarishdi yoki ochlik e'lon qilishdi. Bu haqda 11 noyabrda Estado de S. Paulo nashri xabar qildi.

Aksariyat vaziyatlarda nazorat qo‘lga olingan. Eng jiddiy tartibsizliklar Parana shtatidagi Kaskavel munitsipaliteti turmasida yuz bergan. Bu yerda isyonni bostirish vaqtida 2 mahbus halok bo‘lgan. Isyon 40 soatdan ko‘proq davom etgan. Bu vaqt ichida mahbuslar qo‘riqchilarni garovga olishga muvaffaq bo‘lishgan. Hozirda qo‘riqchilar ozod qilingan.

Nashr ma'lumotlariga ko‘ra, gap jinoiy guruhlar yetakchilari uyushtirgan, avvaldan kelishilgan isyon haqida ketmoqda. Nashrning ta'kidlashicha, mahbuslar norozilikning turli yo‘llari bilan turmalardagi sharoitlarning yaxshilanishi uchun kurashadilar.

2017 yil boshi Braziliyada bir qator turmalarda isyon ko‘tarilishi bilan kechgan. Braziliya tarixida turmada ko‘tarilgan eng yirik isyonlardan biri Manaus shahrida 1 yanvarda sodir bo‘lgan. O‘shanda ikki raqib guruhning o‘zaro qarama-qarshiligi oqibatida yuzaga kelgan tartibsizliklar vaqtida 56 mahbus halok bo‘lgan. 6 yanvarda esa Rorayma shtatidagi turmada 33 mahbus o‘liq holda topilgan. 14 yanvarda Riu-Grandi-du-Norti shtatidagi turmada tartibsizliklar vaqtida 26 kishi halok bo‘lgan.