Turkiya bosh vaziri o‘rinbosari Bakir Bo‘zdog‘ning Twitter’dagi sahifasida xabar berishicha, mamlakat Iroqqa zilzila oqibatlarini bartaraf etishda yordam ko‘rsatadi.
«Tegishli transport va xodimlar tayyorlandi, ular tumanga qidiruv-qutqaruv amaliyotlarida ishtirok etish uchun jo‘natildi», - deya yozgan u.
Ta'kidlanishicha, Turkiya favqulodda xizmatlari xodimlari vayronalarni tozalash va jabrlanganlarga tibbiy yordam ko‘rsatish bo‘yicha ishlarda qatnashadilar.
Bundan tashqari, mamlakat Iroqqa insonparvarlik yordami partiyasini ham jo‘natadi.
Avvalroq Eron va Iroq chegarasidagi zilzila qurbonlari soni oshayotgani xabar berilgandi.
