Ronaldu va Serxio Ramos orasidan ola mushuk o‘tdi

Foto: Marca

«Real» hujumchisi Krishtianu Ronalduga jamoa sardori Serxio Ramosning so‘nggi intervyusidagi gaplari yoqmagan, deb xabar bermoqda El Chiringuito.

Avvalroq, portugaliyalik to‘purar ma'lum sabablarga ko‘ra «Real»ni tark etmoqchi ekani haqida xabarlar tarqalgan edi. Ramos esa bu haqdagi savolga javob berishni istamadi va hammasini Ronalduning o‘zidan so‘rang, deb cho‘rt kesdi.

Bungacha Ronaldu, «Tottenhem»ga (1:3) qarshi Chempionlar Ligasi bahsidan so‘ng, Ispaniya grandi bilan yangi shartnoma imzolamasligi haqida bayonot berdi. Ramos esa uni ta'magirlikda ayblagan edi.

Eslatib o‘tamiz, Ronalduning amaldagi shartnomasi 2021 yilgacha mo‘ljallangan.