Samarqandda 3 nafar voyaga yetmagan bola qutqarildi

Samarqand viloyati Favqulodda vaziyatlar boshqarmasi navbatchi qismiga Samarqand shahrida istiqomat qiluvchi fuqaro M.A. tomonidan qo‘shnisining uyidan tutun hidi chiqayotgani, xonadon ichida 3 nafar voyaga yetmagan bolaning hayoti xavf ostida qolganligi to‘g‘risidagi murojaat kelib tushadi. Bu haqda FVV axborot xizmati xabar bermoqda.

Qabul qilingan xabar yuzasidan Samarqand viloyati Favqulodda vaziyatlar boshqarmasining qutqaruvchilari voqea joyiga zudlik bilan yetib keldi.

Olib borilgan tezkor harakatlar natijasida 3 nafar bola qutqarildi. Bu orqali yuzaga kelishi mumkin bo‘lgan baxtsiz hodisaning oldi olindi va yong‘in qutqaruvchilar tomonidan bartaraf etildi.