Chernogoriyada it ayolni o‘g‘ri changalidan qutqardi

Internet tarmog‘ida ko‘chadagi daydi it o‘g‘riga hujum qilib, ayolni uning hujumidan qutqarganiga oid video tarqaldi. Rolik Facebook ijtimoiy tarmog‘idagi sahifaga joylashtirilgan.

Mahalliy RTCG telekanalining xabar qilishicha, hodisa Podgoritsa shahridagi Eski aerodrom hududida ro‘y bergan. 

Noma'lum kimsa ko‘chada ketayotgan ayol izidan uni ta'qib qiladi. U ayolga yetib olgach, uning qo‘lidagi sumkasini tortib, olib qochishga urinadi. Biroq shu vaqtda o‘g‘riga uzoqroqda ko‘chada yurgan it tashlanadi. G‘arazgo‘y juftakni rostlashga majbur bo‘lgan.