Tadqiqot: Mushak o‘stiruvchi dorilarning aksariyati tasdiqlanmagan moddalarga ega

Androgen reseptor modulatorlar – SARM – ya'ni bodibildingda mushak o‘stiruvchi vositalar testosteron gormonining vazifasini bajaradigan farmatsevtika mahsulotlari hisoblanadi. AQSh oziq-ovqat va dor ma'muriyati tomonidan tasdiqlanmagan bo‘lsa-da, bu qo‘shimchalar ko‘p hollarda bodibilding bilan shug‘ullanuvchilarga sotilish hollari ko‘payib bormoqda. Ular qonuniy steroidlar sifatida onlayn sotilayapti. Bu iste'mol qilgan kishini ancha baquvvat ko‘rsatadi, deb yozadi CNN. 

SARM sifatida onlayn sotiladigan mahsulotlarning aksariyati yorliqda ko‘rsatilgan miqdordagidan ko‘proq bo‘lgan yoki hali tasdiqlanmagan gormonlar va steroidlarga ega bo‘ladi, deyiladi JAMA tibbiy jurnalida e'lon qilingan tadqiqot natijasida.

"Ular jiddiy salbiy ta'sirlarga ega va ushbu vositalar xavfsiz degan noto‘g‘rii tushuncha bor", - deydi tadqiqot hammualliflaridan biri Dr. Shalender Bhasin. 

10 ga yaqin farmatsevtika kompaniyasi 1990 yillarning o‘rtalaridan SARM mahsulotlari ustida izlanishlarni rivojlantirdi. Aslida mushaklari yemirilishi kabi kasalliklarga chalingan odamlarga yordam berish uchun mo‘ljallangan dorilarning mushak o‘sishi va quvvat beruvchi testosteron gormoni ta'siriga o‘xshash samarasi aniqlandi. Ammo testosteron salbiy ta'sirga ega emas. 

Ayrim SARM dorilari odamlarda cheklangan tarzda sinalgan. Boshqalari sinab ham ko‘rilmagan. Shunga ko‘ra, ularning samarasi, xavfsizligi noma'lum bo‘lib qolmoqda, deya ta'kidlaydi Bhasin. Shu bilan birga, avvalgi ayrim tadqiqot natijalari ko‘p miqdorda bu dorilar iste'mol qilinsa testosteronning tabiiy hosil bo‘lishiga to‘sqinlik qilishi va bepushtlikka olib kelishini ko‘rsatadi. Ular, shuningdek, ruhiy salbiy ta'sirlar ko‘rsatishi ham mumkin, xususan o‘z joniga qasd qilish shular jumlasidan.
 
SARM ichadigan kishilarda jigarning zaharlanishi, yurak xuruji ro‘y berishi ehtimoli kuchayishi ham kuzatilgan.

"Yoshlar, ayniqsa juda yosh kishilar o‘z tashqi ko‘rinishlarini jozibador qilish uchun bu dorilarni iste'mol qilmoqda", - deya ta'kidlaydi Bhasin.

Hozirda keng tarqalgan SARM dorilari ostarine, andarine, RA140, ibutamoren, GW501516 va SR9009 dir. Ushbu iboralar orqali onlayn mahsulotlarni qidirganida, tadqiqotchilar 210 dan ortiq doriga duch kelgan. Ularning aksariyati tugagani yoki mavjud emasligi ajablanarlidir. Shunga qaramay, tadqiqot guruhi 44 ta dorini xarid qilishga muvaffaq bo‘ldi. Ular Jahon antidoping agentligining kimyoviy tahlil jarayonlaridan foydalanilgan holda ishlab chiqilgan. 

Ammo, ularning yarmining tarkibida SARM moddalari bor edi. 17 tasida bittasi yoki bir nechta tasdiqlanmagan dori, jumladan o‘stiruvchi gormonlar yoki steroidlar vositasi bor edi. 

44 tadan 18 tagina dorida yorliqdagi tarkibiy mahsulotlarga mos keluvchi moddalar aniqlangan, xolos. Chorak mahsulot tarkibidagi moddalar miqdori yorliqda ko‘rsatilganidan farqlangan. 8 tasida yorliqdagi moddadan noma'lum moddalar borligi aniqlangan