«Hall Siti» futbol jamoasi bosh murabbiyi Leonid Slutskiy o‘z lavozimini tark etdi, deb xabar bermoqda klub rasmiy sayti.
Angliya klubi rahbariyati va 46 yoshli rossiyalik mutaxassis 20-tur doirasida «Sheffild Uensdey»ga qarshi kechgan o‘yindan so‘ng shartnomani to‘xtatish haqidagi qarorga keldi. Shuningdek ta'kidlanishicha, Slutskiy bilan birga klubni jamoa strategik direktori Oleg Yarovinskiy ham tark etadi.
«Leonid o‘z lavozimida tinimsiz mehnat qildi va o‘zini juda halol inson sifatida ko‘rsatdi. Afsuski, jamoa natijalari biz kutgandek yaxshilanmadi. Shu sababdan biz hamkorlikni to‘xtatish haqidagi qarorga keldik. Slutskiy va Yarovinskiyga «Hall»dagi mehnatlari uchun minnatdorchilik bildiraman, shuningdek ularga eng yaxshi tilaklarni bildiraman», - deya Slutskiyning ishdan bo‘shatilishiga izoh berdi «Hall Siti» raisi o‘rinbosari Axab Allam.
Leonid Slutskiy ham ishdan bo‘shatilishi haqida o‘z fikrlarini bildirib o‘tdi.
«Men „Hall Siti“ga bog‘liq bo‘lgan barchaga - o‘yinchilar va xodimlardan tortib jamoa egasi va ayniqsa ishqibozlarga minnatdorlik bildiraman.
Bu tajribani boshimdan o‘tkazganimdan faxrlanaman, bu men uchun mushkul, biroq juda hayajonli vaqt bo‘ldi.
«Hall Siti» har doim yuragimning bir bo‘lagi bo‘lib qoladi, hamda men jamoaga ega yaxshi tilaklarni bildiraman", - deya ma'lum qildi Slutskiy.
«Hall Siti» Chempionshipda so‘nggi yetti o‘yindan beri g‘alaba qozonmadi. Jamoa 20 turdan keyin turnir jadvalining 20-o‘rnida qolmoqda. Slutskiy esa klub bilan 2017 yilning yozidan beri ishlab kelayotgandi.
