«Реал» ҳужумчиси Криштиану Роналду Чемпионлар лигаси ҳафтасининг энг яхши футболчиси бўлди. У гуруҳ босқичининг 6-тури якунларига кўра УЕФА расмий сайтида ўтказилган сўровномада ғолиб чиққан.

Дортмунднинг «Боруссия» клубига қарши ўйинда гол урган Роналдуга 41 фоиз киши овоз берган.

У «Ливерпуль» ярим ҳимоячиси Филиппе Коутиньо (38 фоиз)ни ортда қолдирган. Шунингдек, «ПСЖ» хавбеки Корентин Толиссо (8 фоиз), «Шахтёр» ярим ҳимоячиси Бернард (5 фоиз), «Челси» хавбеки Эден Азар (3 фоиз), «Барселона» ҳужумчиси Пако Алькасер (2 фоиз), «Тоттенҳэм» ҳужумчиси Сон Хин Мин (1 фоиз) ва «Ювентус» ярим ҳимоячиси Хуан Куадрадо (1 фоиз) ушбу сўровномада қатнашганди.

Бироз аввалроқ Криштиану Роналду ўзининг бешинчи «Олтин тўп»ини қўлга киритганди.