Samsung nafaqat egasini sovuqdan himoyalovchi, balki gadjyetlarni ham zaryadlovchi "aqlli" kiyimni patentladi. LetsGoDigital jurnali shu haqida xabar berdi.
Kiyimga sohibining faolligini kuzatuvchi datchik va protsessorlar o‘rnatiladi. Shu bilan birga, u akkumulyator bilan ham ta'minlanadi - energiya qo‘llar harakati natijasida to‘planadi.
Akkumulyator sig‘imi haqida hozircha hech narsa ma'lum emas, biroq patent arizasida uning u qadar katta emasligi ko‘rsatilgan. Samsung mutaxassislari noyob ixtironi qanday yuvish haqida hozircha ma'lumot berishmagan.
